web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria po rrjep popullin”/ Manjani i bën propozimin urgjent opozitës

6 Korrik 2022, 09:12, Politikë CNA
“Qeveria po rrjep popullin”/ Manjani i bën propozimin urgjent
Ylli Manjani

Ish-ministri i Drejtësisë, Ylli Manjani, ka dalë me një reagim në rrjetet sociale ku i sugjeron opozitës që urgjentisht nëpërmjet deputetëve të saj të kërkojë në Gjykatën Kushtetuese deklarimin antikushtetues të Bordit që vendos çmimet në tregun e lirë.

Qeveria duhet të shpërblejë masivisht dëmin që i shkaktoi konsumatorit nga vendosja e çmimit abuzivisht, shton Manjani.

Postimi i plotë:

Sugjerim:

Partia Demokratike dhe opozita, nëpërmjet deputetëve të saj, duhet urgjentisht të kërkojnë në Gjykatën Kushtetuese të Republikës DEKLARIMIN ANTILUSHTETUES të Bordit që vendos  çmimeve në tregun e lirë!

Mënjëherë e pa asnjë pritjeduhet bërë!

Dakord protesta, dakord deklaratat, por duhet përdorur edhe instrumenti ligjor, që deputetët dhe Partitë Politike e kanë të garantuar nga Kushtetuta. Partitë dhe deputetët e përdorin shumë më kollaj se çdo individ këtë instrument.

Këtu është fjala për mbrotjen e interesit publik dhe të Kushtetutës.

Kjo e fundit na thotë se Republika e Shqipërisë bazohet në ekonominë e tregut të lirë. 

Nuk ka treg të lirë kur çmimet e produktit privat i vendos qeveria.

Gjykata Kushtetuese duhet ftuar të vendosë:

O të ruajë tregun e lirë, ose të legjitomojë ekonominë politike socialiste.

Dhe nëse fiton kushtetuta dhe tregu i lirë, qeveria duhet të shpërblejë masivisht dëmin që i shkaktoi konsumatorit nga vendosja e çmimit abuzivisht!

Një orë e më parë opozita duhet ta bëjë kërkesën për në Kushtetuese.

Llafet i merr era!

Qeveria po rrjep popullin e saj kundër çdo parimi kushtetues!/E.T-CNA.al

 





Lajmet e fundit nga