LEXO PA REKLAMA!

SHKARKO APP

Avokatja zbërthen denoncimet e Kryemadhit/ “Qëllimi i errët” i LSI për aferën e inceneratorëve

6 Korrik 2022, 17:38, Politikë CNA
Avokatja zbërthen denoncimet e Kryemadhit/ “Qëllimi i
Avokatja dhe aktivistja e njohur, Brizida Gjikondi

Avokatja dhe aktivistja e njohur, Brizida Gjikondi, ka vlerësuar investigimin që CNA.al ka bërë lidhur me aferën e inceneratorëve, një nga aferat më të mëdha korruptive në 30 vitet e fundit.

Gjikondi ka vënë në pah punën e CNA.al, si median e parë që ka zbardhur skemën e inceneratorëve, në kohën kur askush nuk guxonte të fliste.

Gjithashtu, avokatja është ndaluar te denoncimet gjysmë të vërteta të Monika Kryemadhit, për transfertën 30 milionë dollarë që nuk ekziston.

Në një intervistë për CNA.al, Gjikondi tha se gjithçka që denoncon Kryemadhi ngjan më shumë si një xhelozi dhe përplasje bandash, sesa brengë e saj se janë vjedhur shqiptarët.

“E para ju falenderoj me zemër për punën kurajoze që keni bërë, duke përmbushur misionin kryesor që një media e lirë duhet të bëj. Të hetojë lidhjet e krimit-korrupsionit me politikën. Ju patët kurajon të godisni lart dhe të flisni me emra dhe skema konkrete. Ishit të parët dhe për fat të keq mbeteni të tillë, pasi gati asnjë media nuk ka patur kurajon të shpërndajë hetimet dhe punën tuaj, dhe kjo tregon dhe një herë lidhjet e krimit me politikën dhe median.

Sa për zonjën Kryemadhi, personalisht mendoj që ajo të purifikojë shpirtin njëherë përballë shqiptarëve, të kthejë mbrapsht gjithçka ajo dhe sëra e saj i kanë zhvatur shqiptarve dhe jetëve të tyre, pastaj të bëjë moral, për më tepër që ajo këto që them unë duhet t’i dinte se së fundmi thotë që është dhe besimtare, dhe ky është nga mësimet e para që jep Krishti për ata që e ndjekin! Gjithçka ajo denoncon më ngjan më shumë si një xhelozi dhe përplasje bandash sesa brengë e saj se janë vjedhur shqiptarët”, u shpreh aktivistja.

Denoncimet e opozitës për inceneratorët, Gjikondi i sheh si një “shkashkë” në funksion të protestës së 7 korrikut, që pretendon se nuk ka si qëllim ndëshkueshmërinë ligjore.

“Opozita dhe mazhoranca përherë kanë përdorur bëmat e njëri tjetrit, por vetëm kaq, pasi janë kujdesur që drejtësinë ta drogojnë me moralin e tyre të fëlliqur, dhe vetëm të rrisin presionin dhe pazarin, por kurrsesi ndëshkueshmërinë ligjore ndaj njëri-tjetrit.

Plus unë mendoj që 7 Korriku është kryekëput për të ligjëruar Berishën si kryetarin e opozitës shqiptare, ai përherë dhe jo vetëm ai, Shqipërinë e kanë përdorur për tekat, ambicjet dhe hallet personale, jo se ju pre barku dhe shpirti për këtë popull të dëshpëruar”, theksoi avokatja./ B.A. – CNA.al

Lajmet e fundit nga