web counter
LEXO PA REKLAMA!

SHKARKO APP

App Store
Google Play

E fundit!

x

Basha, drejt bashkëqeverisjes me Ramën/ Zbulohet skenari

6 Korrik 2022, 13:03, Politikë CNA

Basha, drejt bashkëqeverisjes me Ramën/ Zbulohet skenari

Shpesh ka pasur aludime se Lulzim Basha ka pasur një bashkëpunim të thellë me Edi Ramën, kryeministrin në detyrë. Njeriu të cilit i fali gjithëpushtetshmërinë me djegien e mandateve në 2019-ën, apo humbjen e zgjedhjeve në 2021-shin, duke i siguruar Ramës mandatin e tretë për herë të parë në historinë e demokracisë shqiptare.

Ka pasur edhe akuza të drejtpërdrejta, për një bashkëpunim të Ramës me Bashën, që nga shembja e pallatit në Vlorë, pagesa 16 milionë euro, por edhe rritjen e bizneseve të familjarëve të Lulzim Bashës, të cilat kanë qenë me qarkullime dhjetëra miliona lekë, e janë kthyer në kompani me miliona euro.

Basha, drejt bashkëqeverisjes me Ramën/ Zbulohet skenari

Por, përtej këtyre akuzave, duket qartazi se Basha po shkon drejt një bashkëqeverisjeje me Ramën dhe një fakt është protesta e nesërme. Basha dhe disa deputetë që i kanë ngelur si Alibeaj dhe Gazment Bardhi, por edhe një grup i vogël individësh që janë shpallur si anti-Berishë, ende nuk kanë bërë thirrje për të marrë pjesë në protestë.

Pra, ndërkohë që Partia Demokratike, aleatët e saj dhe grupime të caktuara të Shoqërisë Civile shkojnë të protestojnë kundër Qeverisë, Lulzim Basha po hesht vetë personalisht.

Basha, drejt bashkëqeverisjes me Ramën/ Zbulohet skenari

Kurse nga ana tjetër, disa nga mbështetësit e tij po e devijojnë qëllimin e protestës. Në vend që të bëjnë thirrje për të marrë pjesë masivisht dhe për të protestuar kundër kryeministrit, po thonë se protesta nesër është për monopolizimin e Opozitës dhe kundër Lulzim Bashës.

Pra, një qasje tjetër dhe një sabotim i protestës, që tregon dhe thekson edhe një herë se Lulzim Basha po merr rrugën e bashkëqeverisjes me Edi Ramën.

Skenarët janë të thjeshtë. Sabotimi i protestave, humbja në zgjedhjet lokale duke nxjerrë kandidatë të pavarur, më pas themelimi i një partie liberale, në rast se nuk do të mund të marrë vulën, që në fakt duket një mision i pamundur, dhe në zgjedhjet e 2025 kandidimi përballë Opozitës dhe Edi Ramës për të dëmtuar, për të marrë një numër të vogël mandatesh. Dhe më pas për t’i siguruar mandatin e katërt si kryeministër, kryetarit të Partisë Socialiste dhe kryeministrit në detyrë.

Basha, drejt bashkëqeverisjes me Ramën/ Zbulohet skenari

Pra, skenarët duken të qartë. Gjithçka ka filluar të lexohet ditë pas dite. Reagimet e fundit dhe kundërshtimet e protestës apo devijimi i qëndrimeve ndaj saj, tregon se Lulzim Basha ka thjeshtë dhe vetëm një mision. Atë të hyrjes në Qeveri me Edi Ramën.

Por, një lëvizje e tillë tani do të ishte mjaft e vështirë për Lulzim Bashën dhe hapat duket se po hidhen një e nga një, duke i shërbyer kryeministrit. Gjoja duke qenë në Opozitë, por në fakt duke bërë rolin e “zjarrfikësit”. Një mision që Basha e ka bërë gjithmonë në funksion dhe në shërbim të kryeministrit në detyrë./CNA.al

 





Lajmet e fundit nga