web counter
LEXO PA REKLAMA!

SHKARKO APP

App Store
Google Play

"7 korriku"/ Bumçi: PD i del zot protestës, nuk kemi për qëllim të hyjmë në Kryeministri

6 Korrik 2022, 21:30, Politikë CNA
"7 korriku"/ Bumçi: PD i del zot protestës, nuk kemi
Aldo Bumçi

Anëtari i kryesisë së PD, Aldo Bumçi, përjashtoi mundësinë për dhunë në protestën që Partia Demokratike do të mbajë nesër në orën 19:00 para Kryeministrisë.

Në një intervistë për "Euronews Albania", Bumçi tha se qëllimi i protestës nuk është të hyhet në Kryeministri, por të çelë një stinë protestash masive që do të çojnë në rrëzimin e qeverisë, sipas tij më e kriminalizuara që ka njohur vendi.

“Bëhet fjalë për protesta masive në numër, zërat që përfaqësojnë çështje të ndryshme të të gjithë shoqërisë, që nuk kufizohet vetëm në një pjesë të spektrit. Sot Rama nuk përfaqëson të majtët, ata vuajnë keqqeverisjen si gjithë të tjerët. Sot pushteti është në duar të pak njerëzve. Rama nuk është më legjitim me zgjedhjet e 25 prillit dhe mënyrën si qeveris. Sot pas 10 vitesh kjo shoqëri do mbyllë një kapitull të dhimbshëm që e ka dëmtuar rëndë, ka kriminalizuar shoqërinë me pastrimin e parave dhe drogës”, tha Bumçi.

Zyrtari demokrat tha se PD do të marrë përgjegjësi për protestën dhe është kundër çdo akti dhune, duke theksuar se kjo nuk është rruga e duhur për të larguar Ramën nga pushteti.

“Zgjedhja nuk vjen duke u futur në Kryeministri, ai nuk largohet me një ose 2 protesta, por duke qenë të shumtë. Durimi dhe masiviteti, jo një akt ku ti futesh në Kryeministri. Duhen protesta masive duke treguar vullnet dhe kjo stinë që nis nesër do çoj në rrëzimin e Ramës”, u shpreh Bumçi./CNA.al





Lajmet e fundit nga