web counter
LEXO PA REKLAMA!

SHKARKO APP

App Store
Google Play

Mesazhi për protestën e 7 korrikut/ Ndoka nuk kursehet për Bashën: Është kanceri i opozitës

6 Korrik 2022, 20:30, Politikë CNA
Mesazhi për protestën e 7 korrikut/ Ndoka nuk kursehet për
Kryetari i PDK-së, Nard Ndoka

Kryetari i PDK-së, Nard Ndoka, e ka cilësuar protestën e nesërme si të vetmin mjet demokratik, me të cilin do të “luftojnë” ndaj qeverisë së kryeministrit Edi Rama.

Në një prononcim për CNA.al, Ndoka tha se shqiptarët do të mblidhen nesër në shesh për të protestuar për të gjitha kauzat që i shqetësojnë, përfshirë edhe ato të Teatrit Kombëtar dhe banorëve të Unazës së Madhe.

“Protesta është mjeti i vetëm demokratik në këto momente për faktin që ne kemi një qeverisje arrogante, të papërgjegjshme, të korruptuar deri në çdo qelizë. Kauzat e tjera nuk kanë arritur të fitojnë mbi arrogancën e kësaj qeverisjeje, tani është shumë e rëndësishme që të gjitha ato kauza që ne kemi pasur gjatë asaj periudhe, qofshin këto për Teatrin, Unazën, për banorët që janë dhunuar nga shteti se u janë shembur shtëpitë dhe besoj organizimi i PD u jep forcën e domosdoshme qytetarëve për të ngritur zërin ndaj qeveritarëve.

Është shumë e rëndësishme kur qytetarët bashkohen dhe mbështesin kauzat e njëri-tjetrit, siç ishte rasti për Teatrin Kombëtar. Nëse do të kishte një ndërgjegjësim, ne do ta kishim Teatrin të pashembur, nëse do të kishte një ndërgjegjësim tek Unaza, ne do të kishim banesa të pashembura për interes të oligarkëve. Shqiptarët do të ngrihen edhe për rritjen e çmimeve”, u shpreh ai.

Kreu i PDK-së nuk kurseu sulmet ndaj ish-kryetarit të PD-së Lulzim Basha, teksa e cilësoi si kancerin e opozitës dhe theksoi se ishte ky i fundit që rrëzoi besimin e qytetarëve tek e djathta.

“Edhe njerëzit që do të dalin, tashmë janë ndërgjegjësuar, por edhe opozita me organizimin e saj e ka fituar pëlqimin e humbur. Duhet të jemi të qartë se kauzat u shitën nga Lulzim Basha dhe krijoi një hendek shumë të madh besimi mes qytetarëve dhe opozitës. Demoralizimi i qytetarëve për të protestuar ishte pikërisht gangrena dhe kanceri i opozitës, Lulzim Basha”, deklaroi Ndoka./ B.A. - CNA.al





Lajmet e fundit nga