web counter
LEXO PA REKLAMA!

SHKARKO APP

App Store
Google Play

Thirrja për protestë, në një spot/ Demokratët e diasporës apel për 7 korrikun

6 Korrik 2022, 20:56, Politikë CNA
Thirrja për protestë, në një spot/ Demokratët e
Selia e Partisë Demokratike

Mbështetësit e Partisë Demokratike, që jetojnë në diasporë, kanë bërë një thirrje për qytetarët me anë të një spoti.

Ata kërkojnë që qytetarët të dalin nesër në shesh, t'i thonë jo agjendës së shpopullimit, të rikthejmë në atdhe shqiptarët e përzënë dhe t’i japim Shqipërisë një të ardhme.

“600 mijë shqiptarë të larguar në nëntë vite. Shqipëria vazhdon të humbasë pjesën më vitale të saj. Shpopullimi i Shqipërisë nuk është një konspiracion, por një agjendë që shënon dramën më të madhe të vendit tonë – një dramë e shkaktuar nga humbja e shpresës dhe frika për të ardhmen.

Politikat e shpopullimit dhe një opozitë e kapur shtynë intelektualët, shtresën e mesme, zanatçinjtë e rininë të braktisin familjet, komunitetin e pronën e tyre – gjerat më të shtrenjta për çdo individ. Por tani një drite shprese është ndezur dhe diaspora qëndron përkrah opozitës se vërtete.

Diaspora përkrah vizionin konservator të Partisë Demokratike – e vetmja alternativë që mundëson ndryshimin e vërtetë.

Komunizmi vriste rininë, intelektualet dhe fjalën e lire.

Regjimi i sotëm i përzë nga Shqiperia, duke vrarë të ardhmen e atdheut tonë. Koha te ndalim te keqen sot. Nesër do te jete tepër vone!

Në 7 korrik t’i themi jo agjendës së shpopullimit, të rikthejmë në atdhe shqiptarët e përzënë dhe t’i japim Shqipërisë një të ardhme!”, thuhet në njoftimin e demokratëve të diasporës./ B.A. – CNA.al





Lajmet e fundit nga