web counter
LEXO PA REKLAMA!

SHKARKO APP

App Store
Google Play

E fundit!

x

Rikthimi i Metës në politikë/ Këlliçi: Është i mirëpritur, frontin opozitar e udhëheq PD

6 Korrik 2022, 22:03, Politikë CNA
Rikthimi i Metës në politikë/ Këlliçi:
Belind Këlliçi

Presidenti Ilir Meta ka gjasa që të mos jetë në protestën që do të mbahet nesër para kryeministrisë dhe shkak për këtë është posti që ai mban. Kështu është shprehur deputeti i PD-së, Belind Këlliçi, në emisionin "Open".

Ai pohoi se nuk ka informacione për këtë gjë, ndërsa shtoi se nuk do të ishte çudi që mos të ishte i pranishëm për shkak të detyrës së presidentit.

“S’kam informacion. Mbase duke pasur detyrën e presidentit… Dje ka qenë në Slloveni. Se di nëse është rikthyer në Shqipëri. S’do të ishte çudi që mos të ishte pjesë e protestës për shkak të detyrës së presidentit. Jo vetëm presidenti, por kushdo është i mirëpritur në protestë”, tha Këlliçi.

Mes të tjerash ai foli edhe për bashkëpunimin e pritshëm mes PD-së dhe LSI-së, pas lënies së detyrës së presidentit nga ana e Ilir Metës, i cili ka deklaruar se do të kthehet fuqishëm në politikë.

Këlliçi ndër të tjera e cilëson Metën si një politikan rrace.

“Aksionin opozitar, frontin opozitar e udhëheq PD. Meta vjen si politikan rrace i kthyen në politikë. Ai është aset në politikë. Është bashkim forcash i dy prej politikanëve me më eksperiencë, që e njohin Ramën. E kanë mundur Ramën. Zoti Berisha e ka mundur dy herë Ramën. Sot çdo politikan që gjen veten të lënë mënjanë, i bashkohet protestës. Edhe në 25 prillin e vitit të kaluar, po të bashkojmë votat, PD-LSI, Rama ishte para, por kishte shumë vota të pavlefshme. Zyrtarisht po bashkëpunojmë me LSI. Me inceneratorët p.sh., po bashkëpunojmë zyrtarisht”, pohoi deputeti./CNA.al





Lajmet e fundit nga