LEXO PA REKLAMA!

SHKARKO APP

Shpallja “non-grata”/ Berisha: Kam dokumentet me arsyet, do i bëj publike

13 Shkurt 2023, 22:46, Politikë CNA
Shpallja “non-grata”/ Berisha: Kam dokumentet me arsyet, do i
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka bërë një paralajmërim, teksa është pyetur për shpalljen e tij “non-grata” nga SHBA dhe nga Britania e Madhe.

Berisha tha në një intervistë me ish-deputeten Duma se disponon dokumentet me arsyet se përse është shpallur “non-grata” nga Britania e Madhe.

Ai deklaroi se arsyet e vendimit të SHBA nuk ka mundur t’i marrë për shkak të ligjit, por tehksoi se ata që ka në dispozicion do t’i publikojë.

“Në rastin tim nuk ka një provë të vetme, ndërsa në rastin e Ramës janë publikuar faktet. Yuri Kim është një lloj McGonigal me fustan. Nëse një njeri thotë që faktet janë botërisht të njohura dhe nuk jep asnjë fakt tallet me të tjerët dhe veten, për mua nuk nxirren fakte se janë zero. Në 2019 para të gjithë botës Rama më ka thënë mua ti nuk kalon Atlantikun. SHBA-ja nuk ka dhënë dhe nuk do të japë kurrë të dhëna por ka bërë kërkimet më të jashtëzakonshme për mua dhe fëmijët e mi e nuk ka gjetur asgjë. Unë nuk kërkoj kthim mbrapsht. Unë nuk kam lobuar asnjë qindarkë për të ma hequr, unë kam deklaruar në momentin e parë që mund të nxjerrin një provë të vetme unë largohem nga politika, midis të vërtetës dhe çfarëdo lloj gjëje tjetër unë do të zgjedh të vërtetën. Kjo e mbron sovranitetin e këtij vendi, unë kam bindjen më të thellë që Amerika nuk pretendon të ndërtojë një republikë bananesh, është Amerikë e burrave dhe grave të ndershme. Unë asaj Amerike i besoj plotësisht.

Urrejtja e George Soros, sepse unë në 2017 kam kërkuar shpalljen e tij non grata sepse e gjykoj atë si një armik të shqiptarëve. Unë do të mbroj interesin e vendit tim sepse unë do e mbroj interesin e vendit tim. Jam që të ndëshkohet çdo njeri që ka kryer krim e ka të dhëna të sigurta, por më rastisi të provoj dy procedurat, të Britanisë së Madhe dhe të SHBA-së, ajo e Britanisë më ndihmoi shumë, kam marrë të gjitha dokumente pse jam shpallur non-grata. Nëse shtetet e Bashkuara për të marrë dokumentet duhet të lobosh dhe ky është korrupsion, ndërsa Britania ka ligjin që u mor vendimi dhe nuk shkon dot në gjykatë pa bërë rekursin administrativ. Ka  kanalin e veçantë të rekursit administrative”, theksoi kryedemokrati./ B.A. – CNA.al

Lajmet e fundit nga