web counter
LEXO PA REKLAMA!

SHKARKO APP

App Store
Google Play

E fundit!

x

Foto – Protestë jashtë e “përplasje” brenda/ Çfarë nuk u pa nga Kuvendi

13 Shkurt 2023, 19:49, Politikë CNA

Foto – Protestë jashtë e “përplasje” brenda/

Rreth një orë e gjysmë zgjati seanca e sotme plenare, e cila u shoqërua me debate të forta e tensione.

Që në nisje të Parlamentit, salla ku mbahej seanca “u zhyt” në errësirë, pasi pati një shkëputje të energjisë elektrike.

Ndërkohë, jashtë saj pati përplasje të deputetëve të PD-së me Gardën, pasi kjo e fundit nuk lejoi deputetët e përjashtuar të hyjnë brenda godinës.

Deputetët demokratë u shoqëruan nga mijëra qytetarë, të cilët iu përgjigjën thirrjes së opozitës për të protestuar para Parlamentit.

Me rinisjen e seancës në Kuvend, ministrja Anila Denaj kërkoi përjashtimin e kreut të PD-së, Sali Berisha nga Kuvendi me pretendimin se ka ofenduar ministret.

Kjo kërkesë e saj u prit ashpër nga opozita, duke u pasuar me debate të forta. Mosdhënia e fjalës nga ana e kryeparlamentares Lindita Nikolla tensionoi edhe më tepër situatën.

Demokratët bllokuan foltoren disa herë, ndërsa Flamur Noka i binte bilbilit pa ndalim duke mos lejuar deputetët socialistë të flasin. Ai iu afrua pranë Toni Gogut dhe Taulant Ballës, teksa këto të dy ishin duke mbajtur fjalim dhe i binte bilbilit te mikrofoni i tyre.

Pasi kërcënoi disa herë me ndërprerje të fjalës demokratët dhe ndërpreu disa herë seancën plenare, Nikolla miratoi me mazhorancën mbylljen e saj.

Pas kësaj, Berisha dhe deputetët demokratë iu bashkuan protestës, ku mbajti një fjalim ish-kryeministri dhe më pas njerëzit u shpërndanë.

Këto momente dhe të tjera janë kapur në foto, të cilat po i sjellim me anë të një galerie./ CNA.al





Lajmet e fundit nga