web counter
LEXO PA REKLAMA!

SHKARKO APP

App Store
Google Play

E fundit!

x

“Populli do të flasë”/ Berisha konfirmon protestën e radhës

13 Shkurt 2023, 18:55, Politikë CNA

“Populli do të flasë”/ Berisha konfirmon protestën e

Kreu i Partisë Demokratike, Sali Berisha ka deklaruar jashtë selisë blu se do të ketë një tjetër protestë ditën e enjte përpara Parlamentit. 

“Do ketë protestë të fuqishme ditën e enjte para parlamentit. Nderimin më të madh për ata që ishin aty dhe bashkuan zërin me deputetët e tyre kundër regjimit. Ishte një moment jashtëzakonisht i veçantë i revolucionit sot”.

Ndërkohë për sa i përket çështjes Rama-McGonigal ai tha se çdo të dhënë që ka për këtë skanal do ta dorëzojë përpara komisioneve hetimore parlamentare në Shqipëri dhe SHBA.

“Edi Rama i damkosur me skandalin McGonigal kishte bindur zonjat e PS-së në parlament se akuzat e mia dhe se skandali McGionigal nuk kishte në epiqendër Edi Ramën, por disa afera, aksesore në pabet dhe klubet e Tiranës.

Po kishte turp më të madh se sa të protestonin për deklarata unë i kam bërë në konferencë shtypi, takim me gazetarë dhe të shpreheshin sikur ishte secila prej tyre e akuzuar.

Unë ua thashë në parlament. Çdo të dhënë unë do të ua dorëzoj komisioneve hetimore parlamentar këtu e në SHBA.

Në natyrën time nuk keni parë kurrë të publikuar ndonjëherë në FB, asnjë video apo foto të karakterit erotik sepse unë nuk merrem me to. Në këtë rast, fakti që reaguan kaq fuqishëm këto zonja, më bën mua të hetoj edhe tre herë më shumë në çdo drejtim.

Tani ky reagim kolektiv i zonjave socialiste ishte miza pas veshit. Atëherë unë do të hetoj edhe dhjetë herë më shumë për t’i shkuar deri në fund edhe kësaj piste, krejtësisht tretësore.

Problemi kryesor, ‘Rama-McGonigal gate’ është Edi Rama, nuk janë aksesorët, ngjarjet terciare në pabet e Tiranës. Populli do të flasë”, u shpreh ai./ CNA.al





Lajmet e fundit nga