web counter
LEXO PA REKLAMA!

SHKARKO APP

App Store
Google Play

E fundit!

x

“Revolucioni nuk bëhet për një ditë”/ Ndoka: Protestat, garanci për të mposhtur Ramën

13 Shkurt 2023, 15:25, Politikë CNA

“Revolucioni nuk bëhet për një ditë”/ Ndoka:

Ish-deputeti Nard Ndoka thotë se protesta e 11 shkurtit dha një mesazh kryesor në aspektin e qytetarëve politikë,

Nga studio e MCN Live, ai deklaroi se përtej kauzës së re “McGonigal” janë mijëra arsye që kanë lidhje me ekonominë e vendit, keqmenaxhimit dhe korrupsionin dhe shumë probleme të tjera.

“Nuk do kishte sens nëse SHBA nis një komision për ta hetuar çështjen. Kjo quhet protestë, revolucioni nuk bëhet për një ditë, do kohën e vet, strategjinë e vetë dhe goditjet e veta herë pas here.

Revolucion do të thotë se nëse një Kryeministër nuk jep dorëheqjen dhe nuk respekton një standard që e kanë vendosur të tjerë para Ramës, kanë dhënë dorëheqjen Fatos Nano, Namik Dokle, Pandeli Majko etj.

Kryeministri juaj, ky personazh që nuk besoj të ketë ndodhur në 31 vite që një Kryeministër kapet me një krim federal, është kapur.

Do të vendosë një standard, ky bëhet pengesë që derisa ata hetojnë ky bëhet mburojë mbulesë me mandatin e Kryeministrit.

Protesta është mjet sensibilizimi që i tregon faktorit ndërkombëtar dhe mazhorancës që opozitës i është hequr fjala e vetë, i përjashton me listë. Ky është skandal.

Ky është përjashtimi më unikal në jetën parlamentare të 30- viteve që me një listë emërore... ti mund të përjashtosh një person.

Kërkon ngritjen e komisionit hetimor që ta jep ligji, nuk ngrihet dhe kjo. Protesta është që kur vjen Kryeministri ta godasësh me vezë, domate, gurë dhe lopata”, u shpreh ai./CNA.al





Lajmet e fundit nga