web counter
LEXO PA REKLAMA!

SHKARKO APP

App Store
Google Play

E fundit!

x

“Qytetarët donin protestë të fuqishme, por i frenuam”/ Baçi zbulon prapaskenat

11 Shkurt 2023, 21:56, Politikë CNA
“Qytetarët donin protestë të fuqishme, por i
Deputeti i PD-së, Luan Baçi

Deputeti i PD-së, Luan Baçi ka folur lidhur me protestën e opozitës, e cila u zhvillua ditën e sotme para kryeministrisë.

Baçi tha në emisionin “Review” në Euronews Albania se qytetarët pritën protestë të dhunshme, por ishte PD-ja dhe opozita e cila i frenoi. Ai thekson se tubimi ishte një paralajmërim për Ramën qindra mijëra qytetarë nuk e duan më si kryeministër.

Ai theksoi gjithashtu se protesta ishte një paralajmërim për kryeministrin.

“Për një gjë më vjen pak keq, pritshmëria e njerëzve ishte për një protestë më të fuqishme dhe të fortë. Por duhet të kuptojmë se çfarë kuptojmë me pritshmëri të fortë protestuesit dhe çfarë duhet të jetë e fuqishme dhe e fortë. Kjo ishte një protestë dhe një paralajmërim shumë i fortë ndaj Edi Ramës.

Paralajmërimi i qytetarëve ishte që protestën nuk e donin kështu, por i frenuam ne. Protestë të dhunshme nuk e di se çfarë kuptoni ju. Protestë shumë herë më të fuqishme, por edhe dhunë duhet, se ky kryeministër vetëm me dhunë ikën.

Paralajmërim është për kryeministrin se një masë e tillë qindra mijëra qytetarë nuk e bëjnë për burrë atë kryeministër që na bën poçe si Koçi i Ollgës. Ata qytetarë nuk ikën për t’u kthyer, por do të kthehen herë pas here dhe atë mesazh do ta japin nëse nuk dëgjon Edi Rama”, tha Baçi.





Lajmet e fundit nga