web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi, thirrje nga komisariati/ Do të mbrojmë çdo demokrat, dhanë mesazh të jashtëzakonshëm

11 Shkurt 2023, 16:18, Politikë CNA
Bylykbashi, thirrje nga komisariati/ Do të mbrojmë çdo
Deputeti i PD-së, Oerd Bylykbashi

Deputeti i PD-së, Oerd Bylykbashi, së bashku me Albana Vokshin, kanë shkuar në komisariatet 1 dhe 2, ku janë shoqëruar tre protestues.

Në një deklaratë për mediat, Bylykbashi kërkoi lirimin e të shoqëruarve, teksa tha se do të mbrojnë çdo demokrat.

Ai theksoi se qytetarët dhanë një shembull dhe mesazh të jashtëzakonshëm.

“Erdhëm në komisariat për shoqërimet që janë bërë nga policia. Ishte një protestë madhështore që dha mesazhe të jashtëzakonshme. Ishte një protestë paqësore, por e qartë se nga sot e tutje fillon revolucioni demokratik. Në këtë lëvizje është e drejta e çdo qytetari të marrë pjesë dhe të protestojë fort. Përpjekja është për të bërë totalisht themelet e demokracisë. Pluralizimin politik.

Protesta e sotme është mesazhe fillimi, protestat do të vazhdojnë. Sot protestuesit kanë dhënë një shembull të jashtëzakonshëm. Të gjithë qytetarët që janë shoqëruar do të lirohen sepse është i paligjshëm shoqërimi i tyre. Deputetët janë të gatshëm t’i qëndrojnë pranë çdo qytetari. Ose Edi Rama do të dorëzohet para të drejtës së shqiptarëve për të votuar dhe për ta shporrur me votë ose qytetarët më pas do ta largojnë”, nënvizoi ai./ B.A. - CNA.al





Lajmet e fundit nga