E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

11 shkurti do të mbahet mend/ Paralajmëron deputeti i PD-së

11 Shkurt 2023, 09:24, Politikë CNA

Deputeti i Partisë Demokratike, Luan Baçi, ka deklaruar se protesta e sotme është e rëndësishme edhe për vetë PD-në, pasi Rama kërkon të pengojë mosfutjen e kësaj partie në zgjedhje përmes lojës me vulën që po bëhet me gjyqet.

Në studion e lajmeve në "MCN TV" tha se protesta që do të zhvillohet nesër është e vërtetë dhe do të jetë shumë e fuqishme.

“Së pari dua të them që nuk ka vendosur opozita, por qytetarët për protestën e nesërme.

Ka qenë kërkesë e herëpashershme, qytetarët kërkojnë protestë për të larguar Ramën. Protesta e nesërme është e veçantë, është më e fuqishmja që do bëhet, është e vërtetë si 2-3 të fundit, sepse kemi bërë të tjera, por që kanë rezultuar që kanë qenë të shitura, për të bërë 'show'-n e radhës.

Është protestë që do të mbahet mend, është thirrur nga qytetarët, është në situatë krejt të veçantë të vendit dhe të PD-së. Nuk duhet të harrojmë që përveç skandaleve të qeverisë, si vjedhjet, skandalin me McGonigal-in”, ka thënë Baçi.

Sipas tij, PS kërkon të eliminojë PD-në dhe opozitën, ndaj kjo është arsye madhore që demokratët të dalin të protestojnë.

“Me veprimet që po bën Rama po shkon drejt një instalimi të diktaturës. Rama i ka kapur institucionet.

Me zgjedhjet e 14 majit do të fillojë opozita në institucione, se kemi 4 vjet me Këshilla Bashkiakë monistë, si rezultat i presionit dhe lojës së Ramës me Bashën. Rrezikohet seriozisht me ndërhyrjen e Ramës, hyrja e PD-së në zgjedhje. Si në 2019 që e lanë PD-në jashtë zgjedhjeve.

Rama kërkon mosfutjen e PD-së në zgjedhje. Mund ta realizojë me vulën.

Prandaj e ka zvarritur gjyqin. Sot nxorën datën e Apelit për të shqyrtuar ankimimin që ka bërë Alibasha për Kuvendin. Ankimimi nuk duhet të pranohej. Por është bërë me porosi të Ramës.

Fuqia e Ramës është t’u japë vulën dy deputetëve dhe të mos lërë PD-në të futet në Zgjedhje. Protesta do të jetë e fuqishme në numra”, është shprehur Baçi.

Më tej, Baçi i ka bërë i thirrje policisë të mos provokojë qytetarët./CNA.al