E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Berisha paralajmëron policinë dhe SHISH-in/ “Kujdes në protestën e nesërme”

10 Shkurt 2023, 13:04, Politikë CNA

Berisha paralajmëron policinë dhe SHISH-in/ “Kujdes në

Kreu i PD-së, Sali Berisha, i ka bërë thirrje policisë që të jetë korrekte në protestën e nesërme.

Ai ka paralajmëruar se çdo protestues i lënduar, do të konsiderohet i persekutuar politik dhe persekutori i tij do të përgjigjet edhe pas 30 vitesh.

Gjithashtu Berisha ka paralajmëruar edhe SHISH-in që të kenë kujdes dhe të mos futen në turmë.

“Në protestën e nesërme, paralajmëroj policinë të mbajë qëndrimin më korrekt. Çdo protestues i lënduar, do të konsiderohet i persekutuar politik dhe persekutori i tij do të përgjigjet edhe pas 30 vitesh.

Paralajmëroj policinë, punonjësit e SHISH-it, të kenë shumë kujdes, madje të mos futen fare në turmë. Sepse në SHISH po ndodh, edhe ai do të ketë ‘name and shame’, ai po shkatërron institucionin. Ky këshilltari i Edi Ramës që shkon aty, po shpërbën institucionin”, është shprehur Berisha.

Pjesë nga deklarata e Berishës:

Në këtë institucion (SHISH), ndërsa departamentet më kryesore janë antiterrori dhe antidroga. E vërteta është se që nga vitit 1998, kur në oborrin e këtij institucioni u kap automjeti me 28 kg heroinë, nga antidroga e policisë, të dhëna të tjera pas largimit të Fatos Klosit, që ky institucion të ketë lidhje me drogën, unë nuk ka dëgjuar.

Por ky zotëria që është në SHISH, një nga aktet e para ka shpërbërë njësinë antidrogë dhe ka transferuar oficerin kryesor të antiterrorit në konflikt të hapur interesi. Bashkëshortja e tij ka pasur kushëririn e parë, ushtar të Al Bagadatit, gjë për të cilën bashkëshortja dhe ky nuk mund them se ka një përgjegjësi, se ai nuk ka marrë mendimin e tyre.

Por problemi është se njeriu që ka hetuar këtë dhe me sukses, se duhet të dini se në ndjekjen e grupit të atyre që shkuan të luftojnë për ISIS, në çmontimin e tyre Shërbimi Informativ ka meritë të padiskutueshme.

Ky tani, e merr dhe e transferon këtë oficer në një rreth. Pra e le këtë në mëshirë të fatit. Dhe ky është një akt hakmarrës. Merr dhe terrorizon 2-3 oficere punonjëse që kishin klikuar dhe interesuar se kush është vjehrri i tij, pasi kanë marrë vesh historinë e kushëririt të parë të të shoqes. Dhe ky është tërbuar, se pse keni klikuar, pse keni bërë kërkim ju për vjehrrin tim.

E merrni vesh se çfarë shefi ka dërguar. U bën mbledhje oficerëve, përdor dhe fjalë vulgare ndaj atyre zonjave. Ky po e shndërron në një repart SHISH. Është jashtëzakonisht e dëmshme sepse është institucion shumë i rëndësishëm për sigurinë kombëtare dhe të gjithë rëndësinë e ka në saj të bashkëpunimit që e ka me vende partnere. Terrorizmi nuk është një gjë fiktive, por është kërcënim serioz madhor, për paqen, stabilitetin, rendin e vendeve të lira. Ky tani i shpërbën ata, një njeri që nuk ka punuar një ditë.

Rama e largoi Bendon, i cili ishte njeri profesionistë. Ai ra në gjurmë të McGonigal dhe natyrisht bëri detyrën e vet. Atij i jap një paralajmërim të fortë, që po vazhdove të shkelësh ligjin, do të kesh probleme shumë serioze me opozitën. Opozita kërkon që Shërbimi Informativ Kombëtar të qëndrojë tërësisht siç përcakton ligji, përndryshe i çojmë protestat edhe atje, nuk përtojmë.

Tani kemi të bëjmë me institucione të inkriminuara./CNA.al