web counter
LEXO PA REKLAMA!

SHKARKO APP

App Store
Google Play

E fundit!

x

Berisha ngre tonet poshtë zyrës së Ramës/ "Mediat e gjithë botës po flasin të vërtetën që shprehu opozita"

11 Shkurt 2023, 13:33, Politikë CNA

Kryetari i PD, Sali Berisha, ka “elektrizuar” protestuesit, teksa u ngjit në podium për të mbajtur fjalën e tij në protestën e sotme para kryeministrisë.

Gjatë fjalës së tij, Berisha nuk ka kursyer akuzat ndaj kryeministrit Rama, teksa theksoi se mediat e huaja kanë në faqet e para skandalin më të madh korruptiv.

Ai përmendi çështjen “McGonigal”, ndërsa tha se Rama i ka nxirë imazhin vendit në arenën ndërkombëtare.

“Në protestën e fundit, opozita properëndimore e Shqipërisë, u tregoi të vërtetën liderëve europianë se Edi Rama është kryeministri më i korruptuar në Europë, se është kreu i narkoshtetit të parë dhe të vetëm në Europë.
Të gjithë e mbani mend baltën që hodhi Rama mbi opozitën për ta heshtur atë, të gjithë i mbani mend masat që i mori kundër popullit opozitar për të mos protestuar atë ditë. Të gjithë e mbani mend atentatin që organizoi me një mjeran të paguar, por ai mori turpin botëror. Zëri ynë ushtoi në gjithë botën.
E vërteta kurrë nuk mbulohet dot. E vërteta triumfon gjithmonë, ashtu si rrezja e diellit që shpërndan terrin, e vërteta jonë bëhet gjithmonë e më ndriçuese, në Shqipëri, por edhe te miqtë tanë në botë.
Sot mediat e gjithë botës po flasin të vërtetën që shprehu opozita dy muaj më parë në atë protestë. Sot mediat botërore mbajnë në faqen e parë skandalin, Uotergejtin e shekullit të XXI-të.
Në këtë skandal, Edi Rama është i vetmi kryeministër që përmendet 14 herë që korruptoi dhe përdori si vrasës me pagesë kundër opozitës perëndimore të Shqipërisë, njërin nga zbuluesit më të fuqishëm të planetit.
A ka atentat më të rëndë sesa ky ndaj demokracisë së një vendi?
A ka turp më të madh për Shqipërinë sesa ky akt?
Dikur Shqipëria bënte lajmin e botës për pritjen madhështore për presidentin e SHBA-së, sot Shqipëria përbën lajmin e botës se kreu i narkoshtetit, sikur të ishte Lukashenko i Bjellorusisë, korrupton shefin e kundërinteligjencës së FBI-së, partnerit tonë më strategjik, udhëheqësit të Aleancës së Atlantikut të Veriut.
Dikur Shqipëria bënte lajm për hyrjen në NATO, sot bën lajm se kryeministri i saj barazohet me një oligark rus, mik të Putinit, strofull të shërbimeve kriminele ruse.
Kombi nuk ka pasur një faqezi të dytë si ti. Jep dorëheqjen, largohu", tha Berisha.





Lajmet e fundit nga