web counter
LEXO PA REKLAMA!

SHKARKO APP

App Store
Google Play

“McGonigal”/ Del hapur marrëveshja e Alibeajt me PS-në

13 Shkurt 2023, 11:46, Politikë CNA

“McGonigal”/ Del hapur marrëveshja e Alibeajt me PS-në

Opozita ka kërkuar mocion me debat me kryeministrin Edi Rama në lidhje me skandalin McGonigal.

Kreu i Grupit Parlamentar, Taulant Balla, ka zbuluar skenarin për të arritur te mocioni.

Në këtë skenar bën pjesë Enkelejd Alibeaj, “kreu” i përçarësve të PD-së.

Sipas Ballës, që të zhvillohet ky mocion duhet që Alibeaj të ulet në një tavolinë me të.

Për ta bërë më të besueshëm skenarin dhe duke tentuar të hedhë mjegull për një marrëveshje paraprake me Alibeajn, Balla ka përfshirë edhe Mesila Dodën.

“Siç ju informova, kemi miratuar zhvillimin me mocion me debat brenda 30 ditëve. Që mocioni me debat të zhvillohet, duhet të ulet Alibeaj dhe Doda bashkë me mua që të përcaktojmë edhe kushtet. Unë kam propozuar 12 orë dhe kohët e përkatëse.

Duhet të biem dakord edhe për datat, mendoj që nga një nga të enjtet që vijnë ne do ta zhvillojmë edhe këtë debat. Duhet ta flasim edhe me kryetarët e grupeve. Kemi përcaktuar kohën më të madhe që është bërë ndonjëherë, kryeministri do jetë.

Sot Shqipëria mikpret një mik të rëndësishëm që viziton Shqipërinë, kryeministri i landit të Bavarisë ka një axhendë të paracaktuar, përpos kësaj seanca e ditës së sotme ka të bëjë me kohën që u jepet deputetëve”, është shprehur Balla./CNA.al





Lajmet e fundit nga