E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Nga "seanca" paralele jashtë Parlamentit, te goditjet me vezë e domate/ Skenarët e protestës së sotme

13 Shkurt 2023, 12:07, Politikë CNA

Nga "seanca" paralele jashtë Parlamentit, te goditjet me

Sekretari i Përgjithshëm i PD-së, Flamur Noka, ka zbuluar skenarët e protestës që do të mbahen pasditen e sotme në orën 17.00 para Kuvendit.

Ai ka thënë se një seancë paralele pritet të zhvillohet sot para Kuvendit me qytetarët opozitarë, duke bërë një betejë “edhe jashtë, edhe brenda”.

Elementi i dytë do të jetë “name and shame”, ku kryeministri Rama apo anëtarë të qeverisë do të jenë target i goditjeve me domate dhe vezë.

“Sot jemi dy ditë pas protestës më të madhe që ka parë ndonjëherë ky vend, protestës së 11 shkurtit. Ajo protestë çeli siparin e revolucionit demokratik. Revolucioni demokratik do të thotë persistencë, qëndrueshmëri. Jemi në një ditë kur ka seancë, do të rezistojmë për të mbrojtur fjalën e lirë. Por Parlamenti është kthyer në Parlament të turpit, është vrarë fjala e lirë, bllokohet opozita.

Ndaj ne kemi vendosur që të zhvillojmë çdo seancë parlamentare, me qytetarët para Parlamentit, ose rikthehet legjitimiteti i këtij Parlamenti ose ne nuk reshtim. E gjithë organizata kriminale e quajtur qeveri nuk do të dalë më pa u turpëruar, do të goditen me vezë dhe domate. Grupi parlamentar ka anëtarë brenda në seancë dhe jashtë të popullit opozitar. Parlamenti do jetë betejë edhe brenda, edhe jashtë.

Pritet që Parlamenti me popullin jashtë të jetë më atraktiv, sepse aty vlerësohet dhe respektohet fjala e lirë, ndryshe nga brenda që e kanë kthyer në bunker të turpit. Ne kemi thënë që po hyjmë në fazën e një revolucioni demokratik dhe jo bolshevik.

Do të mbrojmë lirinë, demokracinë, pluralizmin, fjalën e lirë dhe për të larguar dhunuesin e demokracisë, dhunuesin e lirisë, dhunuesin e fjalës së lirë, që quhet Edi Rama. Çdo ditë do të ketë protesta, përshkallëzim të tyre. Kjo qeveri deri në largimin e Edi Ramës, s’do të gjejë paqe, diversifikim, intensifikim””, është shprehur Noka, në në "MCN Live"./CNA.al