web counter
LEXO PA REKLAMA!

SHKARKO APP

App Store
Google Play

Pak para nisjes së protestës/ Berisha jep mesazhin e fortë

13 Shkurt 2023, 16:33, Politikë CNA

Pak para nisjes së protestës/ Berisha jep mesazhin e fortë

Kreu i Partisë Demokratike, Sali Berisha, në një deklaratë në mbledhjen e grupit parlamentar të PD-së, pak para nisjes se protestës së paralajmëruar përpara Parlamentit, ka deklaruar se ky institucion shkelmohet nga qeveria.

Ndër të tjera, Berisha tha se deputetët e opozitës në parlament janë trajtuar në mënyrën më antikushtetuese.

Ai paralajmëroi se revolucioni do të vazhdojë në të katër anët e vendit gjer në triumfin e tij.

“Deputetët e opozitës në parlament janë trajtuar në mënyrë antikushtetuese, janë përjashtuar për të drejtën e fjalës.

Theksoj se në parimin tonë, aty ku është shtypja, aty do të jetë qëndresa, aty do të jetë fitorja. Ne nisëm një revolucion, i cili ka për objektiv madhor përmbysjen e monizmit të bazuar në krimin, drogën dhe vjedhjen e shqiptarëve, rikthimin e të drejtës së votës së lirë të këtyre qytetarëve si objektivat më madhorë të tij.

Në kushtet e monizmit të plotë një nga institucionet më të goditura është parlamenti. Libri themelor i çdo kombi të qytetëruar që është kushtetuta shkelmohet në parlament, dhunohet në parlament. Deputetët e opozitës në parlament janë trajtuar në mënyrën më antikushtetuese.

Të drejtat e tyre janë dhunuar, janë pjesëtuar si kurrë ndonjëherë më parë në historinë e parlamentit. Për të drejtën e fjalës deputetët janë përjashtuar nga parlamenti, të tjerë në kundërshtim me çdo ligj dhe rregull shpallen të përjashtuar nga grupi me urdhër të Edi Ramës.

Por deputetët e opozitës nuk përfaqësojnë vetëm veten e tyre, por 750 mijë votues të cilët në zgjedhjet e fundit votuan për forcat opozitare. Të injorosh në këtë mënyrë 750 mijë votues, të sillesh me këtë brutalitet, dhe këtë armiqësi të egër ndaj tyre nuk bën gjë tjetër veçse kërkon konfliktin e hapur.

Në këto kushte ne nisëm revolucionin tonë, për ta vazhduar atë në të katër anët e vendit gjer në triumfin e tij. Nuk ka dyshim që parlamenti është një epiqendër jashtëzakonisht e rëndësishme”, tha Berisha.





Lajmet e fundit nga