E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Pse vrapoi Gazi të kapë trenin, i cili ka dy javë që është nisur?

1 Gusht 2024, 12:22, Politikë CNA

Pse vrapoi Gazi të kapë trenin, i cili ka dy javë që

Gazment Bardhi

Përpara më pak se 2 javësh Kuvendi përmbylli procesin e raportimit të të gjitha institucioneve të pavarura dhe atyre të drejtësisë.

Nga seancat dëgjimore në komisione dhe seancat e Kuvendit, parlamenti i nisi të gjitha rezolutat me rekomandime për secilin raportues dhe midis të gjitha institucioneve, rezoluta e Bankës së Shqipërisë u votua me votat e opozitës dhe mazhorancës.

Socialistë e demokratë bashkuan votat dhe u bënë në një mendje për sa u takon arritjeve dhe sfidave te Bankës së Shqipërisë.

Këtij procesi iu bashkua edhe presidenti, i cili duket se i ka kërkuar Kuvendit që të marrë masa për përmirësimin e kuadrit ligjor për sa i takon skemës së ashtuquajtur të mikrokredive. (lexo këtu)

Skema duket se ka krijuar perceptime për mashtrim dhe manipulim të shifrave të kredive. Ndaj Presidenti me sa duket i ka përcjellë Kuvendit shqetësimet e institucionit për zgjidhjen e problematikave.

Por ai që habiti më shumë ishte Gazi! Pasi lexoi me sa duket letrën e Presidentit drejtuar Kuvendit, e përcjellë në të gjitha mediat, Gazi vrapoi që në 10:00 të darkës të nxjerrë një prononcim në emër të grupit parlamentar të PD-së! Se ku e mblodhi e se kur e shpërndau grupin Gazi, s'e mori vesh njeri, por Gazi turravrap deklaroi duke përdorur siglën e Grupit Parlamentar të PD-së, se do të ngrejë komision hetimor.(lexo këtu)

Për kë do të ngrenë komision hetimor e do të hetojë Gazi? Pse Gazi votoi rezolutën e Bankës se Shqipërisë para 2 javësh dhe s'kishte nevojë të hetonte? Apo edhe në atë rast votoi Ori për Gazin dhe ai s'di gjë? (lexo këtu)

Treni i raportimeve të institucioneve me rezolutat ngarkuar u nis përpara 2 javësh. Çfarë e pickoi Gazin që 2 javë më pas, në 10:00 të darkës, u turr me vrap të kapë trenin?

Problematikat e lidhura me kreditë e këqija dhe mbledhjen e detyrimeve të prapambetura, e kanë burimin nga një udhëzim i Gazit kur ai ishte ministër i Drejtësisë. Atë kohë Gazi ishte me Lulin dhe nuk kishte filluar ende ta quante Berishën "babi i Zenit". (lexo këtu)

Në 3 muajt e ministrimit të Gazit nuk kuptohet çfarë nevoje kishte Gazi të merrej me udhëzime përmbarimi dhe cili ishte treni që kishte frikë atëherë se do t'i ikte. (lexo këtu)

Ministrat teknikë kishin objekt të mbikëqyrjes zgjedhjet për Kuvendin, jo për dhomën e Përmbaruesve. Çfarë lidhje kishte udhëzimi me Gazin dhe çfarë çështje zgjedhjesh zgjidhte Gazi me udhëzimin e përmbaruesve që në vend të merrej me zgjedhjet u turr të kapte ndonjë firmë udhëzimi? Ndaj Gazi nuk duhet marrë seriozisht! Sidomos kur ia kris vrapit!/CNA