web counter
LEXO PA REKLAMA!

SHKARKO APP

App Store
Google Play

Skandali me mikrokreditë/ PD: Të gatshëm për Komision të Posaçëm

31 Korrik 2024, 21:56, Politikë CNA
Skandali me mikrokreditë/ PD: Të gatshëm për Komision
Selia blu, burimi: PD

Pas letrës së Presidentit Bajram Begaj dërguar Kuvendit lidhur me skandalin e mikrokredive, ka reaguar Grupi Parlamentar i Partisë Demokratike.

Në një deklaratë, demokratët thonë se konstatimet e Presidentit janë në një linjë me qëndrimet e PD-së për këtë çështje.

Për këtë arsye, ata shprehen të gatshëm për komision të posaçëm, për zgjidhjen e kësaj çështje.

“Pikërisht në përgjigje të shqetësimeve të ngritura nga Presidenti i Republikës, Grupi Parlamentar i Partisë Demokratike shpreh gatishmërinë që me fillimin e sesionit të ri parlamentar të mbështes ngritjen e një komisioni të posaçëm për të kontrolluar zbatimin e ligjit nga institucionet përgjegjëse, për të nxjerrë përgjegjësitë institucionale dhe përgatitur rekomandimet e nevojshme për rishikimin, ndryshimin apo përmirësimin e kuadrit ligjor relevant, duke i dhënë zgjidhje dramës jetësore të mijëra familjeve në nevojë”, tha Grupi Parlamentar i PD-së.

Kujtojmë se Presidenti Begaj iu drejtua Kuvendit këtë të mërkurë, ku tha se viktima të grabitjes janë bërë një numër i lartë individësh të cilët në masë i përkasin shtresave të shoqërisë që janë vulnerabël dhe pa mjete mbrojtëse. Ai theksoi nevojën për një reagim të fortë./ CNA





Lajmet e fundit nga