web counter
LEXO PA REKLAMA!

SHKARKO APP

App Store
Google Play

E fundit!

x

Ministrja Koçiu: Tavan të orëve të punës për mjekët që punojnë në publik dhe privat

1 Gusht 2024, 10:11, Politikë CNA
Ministrja Koçiu: Tavan të orëve të punës për
Albana Koçiu

Ministrja e Shëndetësisë, Albana Koçiu, pas mbledhjes së qeverisë, njoftoi se sot u miratuan propozimet për ndryshimin e Urdhrit të Mjekut. 

Në fjalën e saj ministrja tha se një vendim tjetër është miratimi i një regjistri elektronik, i cili do të garantojë akoma më shumë transparencë për cilindo profesionist të shëndetësisë që punon në strukturat publike shëndetësore lidhur me punësimin e tij edhe privatisht. 

Ajo nënvizoi se është vendosur një tavan i orëve të punës për të cilat 1 mjek që punon në sektorin publik, mund të angazhohet edhe në sektorin privat. 

Ministrja sqaroi se drejtuesit e insitucioneve publike e kanë të ndaluar të kenë klinika private. 

"Konsistojnë në bërjen publike të informacionit për të gjithë profesionistët e shëndetësisë që punojnë në strukturat publike, sa u përket angazhimeve të tyre edhe private. Ndryshim tjetër i rëndësishëm është edhe miratimi i një regjistri elektronik, publik, i cili do të garantojë akoma më shumë transparencë për cilindo profesionist të shëndetësisë që punon në strukturat publike shëndetësore lidhur me punësimin e tij edhe privatisht. Kemi vendosur edhe një tavan të orëve të punës për të cilat 1 mjek që punon në sektorin publik, mund të angazhohet dhe të punojë privatisht. Kemi bërë të qarta edhe procedurat për masat disiplinore të cilat do të rregullojnë veprimtarinë. Drejtuesit e insitucioneve publike e kanë të ndaluar të kenë klinika private dhe t'i drejtojnë ato klinika private duke qenë titullarë njëkohësisht në strukturat spitalore publike", u shpreh Koçiu./CNA 





Lajmet e fundit nga