web counter
LEXO PA REKLAMA!

SHKARKO APP

App Store
Google Play

E fundit!

x

Pushimet verore në administratë/ Pirdeni: 2 ditë ekstra për të gjithë punonjësit

1 Gusht 2024, 10:50, Politikë CNA
Pushimet verore në administratë/ Pirdeni: 2 ditë ekstra për
Adea Pirdeni

Adea Pirdeni, ministrja e Shtetit për Administratën, u shpreh pas mbledhjes së Këshillit të Ministrave se është vendosur koncepti i orëve fleksibël të punës në administratën publike. 

Sa u përket pushimeve vjetore, ministrja theksoi se në Kodin e Punës është hequr kufizimi sipas të cilit punonjësit e administratës publike nuk mund të merrnin leje vjetore më pak sesa një javë kalendarike. 

Ajo sqaroi më tej se kohëzgjatja e pushimeve verore është 22 ditë pune, ku janë shtuar edhe 2 ditë ekstra pune pushim për të gjithë punonjësit. 

"Sot në mbledhjen e Këshillit të Ministrave, miratuam një vendim që parashikon ndryshimet për miratimin e rregullave për kohëzgjaten e punës dhe orëve të pushimit, orët shtesë. Në kuadër të kësaj iniciative parashikohet për herë të parë që të niset koncepti i orëve fleksibël të punës. Parashikohet shprehimisht që ndërkohë kohëzgjatja ditore e punës mbetet e njëjtë, punonjësit e administratës publike mund të zgjedhin që ta nisin ditën e punës më herët dhe ta përfundojnë më herët, ose ta nisin më vonë dhe ta përfundojnë më vonë. Sa u përket pushimeve vjetore, në Kodin e Punës është hequr kufizimi sipas të cilit punonjësit e administratës publike nuk mund të merrnin leje vjetore më pak sesa një javë kalendarike. Kohëzgjatja e pushimeve verore është 22 ditë pune, ku janë shtuar edhe 2 ditë ekstra pune pushim për të gjithë punonjësit", u shpreh ajo./CNA 





Lajmet e fundit nga