E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Do të marrim 20 mandate në Tiranë”/ Si tallej Jorida Tabaku me demokratët

10 Korrik 2022, 17:04, Politikë CNA

“Do të marrim 20 mandate në Tiranë”/ Si tallej Jorida

Jorida Tabaku

“Kamikazja” e Lulzim Bashës, Jorida Tabaku, është ndër personazhet që ka përfituar më së shumti nga përfshirja në politikë, duke marrë poste apo karrige pa shumë mund.

Por, ndërsa vijon të shërbejë si “kamikaze” e Lulzim Bashës, Jorida Tabaku, nga ana tjetër vijon edhe "show"-n nëpër rrjete sociale, me pretendimin se po bën opozitë kundër kryeministrit Edi Rama.

Nënkryetarja e shkarkuar në Kuvendin e 11 dhjetorit, ka tentuar sot dhe të shfajësohet se nuk është ajo fajtorja që PD prej tetë vitesh është në opozitë, teksa sqaron pjesëmarrjen e saj jo të mirëpritur nga demorkatët në protestën e 7 korrikut.

Por pavarësisht viktimizimit, Tabaku nuk ka ndryshuar qëndrim dhe vazhdon të ecë në gjurmët e Lulzim Bashës, edhe kur zhvillon takime cepave e skutave me 10 veta në Tiranë, por dhe kur gënjen publikisht.

Po ju sjellim në vëmendje një deklaratë të saj në mars të një viti më parë.

Tabaku premtonte fitore spektakolare të PD me 25 prill, duke u zotuar se do të merrnin 20 mandate në Tiranë.

“Objektivi final për qarkun e Tiranës nuk vjen nga një listë dëshirash, por nga situata në terren. PD do të marrë 20 deputetë në Tiranë”, do të shprehej Tabaku asokohe.

Madje, sipas Tabakut, sondazhet në media tregonin një shifër më të ulët se objektivi i PD-së.

“Sondazhet që janë publikuar thonë shifrën 18, por kanë një shifër të lartë të pavendosurish. Nga sondazhet tona dhe takimet në terren shifra 20 deputetë është plotësisht e arritshme”, theksonte Tabaku me bindje të plotë nëpër studio televizive.

E megjithë premtimet dhe bindjen e Tabakut, PD në Tiranë, në zgjedhjet e 25 prillit nuk mundi të siguronte më shumë se 15 mandate dhe 59 në rang kombëtar duke u dhuruar demokratëve një humbje të thellë nën drejtimin e Lulzim Bashës për të tretën herë./E.T-CNA.al