web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 7 korrikut/ Zhupa: Tregoi se në PD nuk ka më dy fronte

9 Korrik 2022, 21:10, Politikë CNA
Protesta e 7 korrikut/ Zhupa: Tregoi se në PD nuk ka më dy fronte
Deputetja e Partisë Demokratike, Ina Zhupa

Deputetja e Partisë Demokratike, Ina Zhupa, ka shuar zërat se në selinë blu ekzistojnë dy fronte apo siç u tha për ca kohë dy llogore.

Duke iu dërguar një mesazh të fortë dy-tre personave që kanë mbetur në krahun e Bashës, deputetja e PD-së theksoi faktin se protesta e 7 korrikut tregoi se demokratë janë të gjithë bashkë dhe tashmë rrugën e tyre e kanë të qartë.

“Unë mendoj se PD-ja siç e patë dhe në protestë është bashkuar në shumicën e saj mendoj se nuk ka më ato dy frontet, ato dy llogoret që ishte një periudhë e Partisë Demokratike. Demokratët janë bashkuar. Ka një lloj problematike që ju e shikoni më drejtë që lidhet me grupin parlamentar të Partisë Demokratike edhe dje deputetë që nuk ishin në protestën e 7 korrikut. Kishte deputetë që nuk ishin prezentë për të cilët realisht jam e keqardhur, sepse i doja në front të betejës kur bëhet fjalë për përplasje me qeverinë dhe për të ngritur zërin përballë qeverisë. E rëndësishme është që ne të mblidhemi brenda Partisë Demokratike, të shprehim mendimet tona dhe të votojmë për vendimet që duhet të marrim. Ne nuk duhet të mbrojnë interesin e Edi Ramës duke dalë me 2/3 apo 5 kandidatura për inat të sime vjehrre siç është një shprehje popullore. Protesta të jetë moment bashkimi për të gjithë demokratët”, ka theksuar Ina Zhupa./CNA.al





Lajmet e fundit nga