web counter
LEXO PA REKLAMA!

SHKARKO APP

App Store
Google Play

E fundit!

x

“Po të mbysin”/ Viktimizohet Tabaku, “fajëson” protestën

10 Korrik 2022, 10:57, Politikë CNA
“Po të mbysin”/ Viktimizohet Tabaku, “fajëson”
Deputetja e PD-së Jorida Tabaku

Deputetja e PD-së, Jorida Tabaku, është shfaqur sot në rolin e viktimës.

Me anë të një postimi në rrjete sociale, Tabaku shkruan se ka marrë komente negative në "Facebook", pas pjesëmarrjes në protestë.

“'Po të mbysin në fb', më shkruajti një i afërm pasi postova shënimin për protestën e së enjtes. 'Sa të këqia i paske komentet', qe mesazhi i një miku tjetër. Mora disa të tilla, siç mora edhe disa krejt ndryshe nga miq demokratë që ndanin të njëjtin shqetësim. Njësoj si unë edhe ata kishin qenë në protestë. Pata edhe debate me ndonjë që s'kuptonte dot pse kisha shkuar në protestë.

Më pas i lexova një e nga një komentet. Siç bëj gjithnjë, megjithëse që kur partia u përça si s'ka më keq leximi i tyre është bërë i dhimbshëm. Do të ishte gjysma e së keqes sikur gjithë ato të shara të vlenin për të sjellë demokratët në pushtet. Por nuk vlejnë për asgjë. Prandaj nuk mund të mbyll gojën dhe bëj sehir duke parë të njëjtin film me të njëjtin fund”, shkruan Tabaku.

Më tej, ajo tenton të sqarojë pjesëmarrjen në protestë dhe të shfajësohet se nuk është ajo fajtorja që PD prej tetë vitesh është në opozitë.

“Sot disa ekzaltohen njësoj si disa të tjerë më parë, përfshirë edhe mua, duke numëruar pjesëmarrësit në uragane fitoresh që në fund nuk vijnë. Më shkruanin edhe se duhet thjesht të protestoja dhe mbyllja gojën! Po sfida jonë është që ta hapin gojën të gjithë shqiptarët, jo që ne t'ia mbyllim njëri-tjetrit.

Disa të tjerë ankoheshin se 8 vjet i paskam lënë unë në opozitë dhe të enjten qenka hapur rruga drejt pushtetit! Do ta uroja shumë të ishte kështu, po të besosh këtë do të thotë të besosh se shumica e shqiptarëve e beson këtë.

Ky ka qenë gabimi ynë 8 vjet. I të gjithëve bashkë. Kemi ngatërruar dëshirën tonë të përbashkët me shumicën për të larguar Edi Ramën, me besimin e shumicës së shqiptarëve tek alternativa e Partisë Demokratike.

Protestat duhen dhe shumë mirë që t'i bëjmë. Po halli është se këtë ngatërresën që thashë mes nesh dhe shqiptarëve, protestat nuk e zgjidhin dhe do të jetë tejet e hidhur sikur e shkuara të përsëritet”, shkruan Tabaku.

Pavarësisht viktimizimit, Tabaku nuk ka ndryshuar qëndrim lidhur me protestën.

Sipas saj duhet një ofertë e re me emrin Partia Demokratike.

“Prandaj nuk ndryshoj mendim: Duhet një shpresë e re që ndërtohet me një mendësi ndryshe, përmes një mënyrë ndryshe të të parit dhe të bërit të gjërave! Një ofertë e re me emrin Partia Demokratike! Një PD moderne, e fortë dhe e bashkuar patjetër, po mbi të gjjtha e hapur, jo e izoluar. Pa frikë për ta dëgjuar mendimin ndryshe me respekt. Për të vepruar ndryshe me kurajo.

Për të qenë ndryshe për shqiptarët”, përfundon reagimin Tabaku./CNA.al





Lajmet e fundit nga