Braimllari, akuza Veliajt/ “Përfitues i aferës së inceneratorit, kërkon që t'i shmanget drejtësisë”

3 Shtator 2023, 11:54, Politikë CNA

Braimllari, akuza Veliajt/ “Përfitues i aferës së

Kryetari i Këshilltarëve të Partisë së Lirisë në Bashkinë e Tiranës, Endrit Braimllari

Kryetari i Këshilltarëve të Partisë së Lirisë në Bashkinë e Tiranës, Endrit Braimllari, ka ngritur akuza ndaj kryebashkiakut të Tiranës, Erion Veliaj, sa i përket aferës së inceneratorëve.

Në një status në rrjetet sociale, Braimllari ka deklaruar se Veliaj nuk është në gjendje t’u përgjigjet pyetjeve të këshilltarëve mbi inceneratorin e Tiranës.

Ai ka ngritur pretendimet se kryebashkiaku i Tiranës është autor, përgjegjës dhe përfitues i drejtpërdrejtë nga kjo aferë korruptive.

Sipas tij, Veliaj kërkon që t'i shmanget drejtësisë, transparencës dhe llogaridhënies.

“Edhe pse kanë kaluar më shumë se një muaj nga mbledhja e fundit e këshillit bashkiak Tiranë Erion Veliaj ende nuk është në gjendje t’i përgjigjet pyetjeve të këshilltarëve të Partisë së Lirisë mbi inceneratorin e Tiranës.

A ka qenë parashikuar në buxhetin e kaluar si zë financimi i inceneratorit nga Bashkia Tiranë?

Sa ton mbetje janë depozituar çdo vit kalendarik që nga lidhja e marrëveshjes së Bashkisë së Tiranës në landfillin e Sharrës?

Sa është buxheti i Bashkisë Tiranë për inceneratorin e Tiranës?

Sa para janë paguar çdo ditë nga buxheti i Bashkisë së Tiranës për inceneratorin e Tiranës, që nga nisja e kësaj kontrate.

Pse Erion Veliaj nuk ju drejtuar Këshillit Bashkiak për këtë çështje në vitin 2017?

Duke i rrëmbyer kështu kompetencat këshillit bashkiak.

Këto janë pyetje që shqetësojnë çdo ditë Erion Veliaj, sepse ai është i vetëdijshëm mbi autorësinë, përgjegjësinë dhe përfitimim e drejtpërdrejtë nga kjo aferë korruptive.

Këshilltarët e Partisë së Lirisë në këshillin bashkiak të Tiranës do të luftojnë çdo ditë për transparencë dhe llogaridhënie.

Ne do të përmbushim premtimin tonë përpara qytetarëve të Tiranës që Bashkia e Tiranës do t’i nënshtrohet transparencës dhe llogaridhënies.

Erion Veliaj nuk mund t’i shmanget drejtësisë, transparencës dhe llogaridhënies”, shkruan Braimllari./ CNA