web counter
LEXO PA REKLAMA!

SHKARKO APP

App Store
Google Play

E fundit!

x

Blendi Fevziu "shpërfill" Alibeajn/ "Nuk përfaqëson asgjë në PD"

16 Janar 2023, 22:19, Politikë CNA

Blendi Fevziu "shpërfill" Alibeajn/ "Nuk

Gazetari Blendi Fevziu është shprehur për kreun e përçarësve të Partisë Demokratike, Enkelejd Alibeajn se ai nuk përfaqëson asgjë në këtë parti.

Në një intervistë për gazetarin Ylli Rakipi, Fevziu tha se dominancën në PD e ka Sali Berisha dhe mbështetësit e tij.

“Nuk pëfaqëson asgjë. Nuk është problemi i fenomenit Alibeaj sot. Brenda PD, dominancën e ka Berisha dhe mbështetësit e tij. Në anën tjetër, ka një kategori anti-Berishës, nuk e di sa janë në shifra. Në këtë moment, nuk mendoj se kjo minorancë identifikohet me Alibeajn. Por, PD ka pësuar një goditje fatale në afatgjatë. Është zëvendësimi i njerëzve me brum politik, brenda një ore. Kur Rama mori pushtetin në PS në vitin 2005, e shmangu grupin e Nanos por nuk i hoqi. Nga ana tjetër, solli të rinj, që me protagonizmin e tyre, filluan ta shtyjnë brezin më të vjetër të PS-së pak më në anë. Ky brez i ri, e mori vetë në dorë fatet e PS. Në PD, zëvendësimi i këtyre personave, nuk u bë me njerëz me fibër politike. I vetmi që konsideroj me fibër politike është Gazmend Bardhi dhe Agron Shehaj. Gjithë të tjerët nuk kanë”, deklaroi Fevziu.

Ndër të tjera ai u shpreh se Alibeajt i leverdis ta mbajë peng PD-në deri në zgjedhje sepse kjo është edhe në interes të mazhorancës.

Më tej Fevziu deklaroi se mund të ketë ardhur momenti që PD-ja të shkrihet.

 “Alibeaj po mban peng, sepse edhe mazhorancës i leverdis të mbahet peng deri në zgjedhje. Ai nuk ka mandat nga Këshilli Kombëtar dhe nuk mund të drejtojë partinë pafund, u bë një vit në mars. Ky duhet të çonte partinë në zgjedhje. Mund të ketë ardhur edhe momenti që PD të shkrihet. Kjo nuk është analizë gazetareske, por ju duhet të merrni një mjek dhe ta pyesni. Ka organe të PD, dhe Alibeaj nuk ka asnjë nga këto, por i ka Berisha. Alibeaj ka një nga vulat dhe është regjistrimi në gjykatë që ka akoma Bashën si kryetar”, tha ai./ CNA.al

 





Lajmet e fundit nga