LEXO PA REKLAMA!

SHKARKO APP

Sherr në eventin muzikor në Athinë/ Lëndohet moderatorja, Paparizou ia fut vrapit nga frika

23 Qershor 2022, 08:46, Lifestyle CNA
Sherr në eventin muzikor në Athinë/ Lëndohet
Moderatorja greke, Roula Koromila, dhe pamje nga sherri

Ceremonia vjetore e ndarjes së çmimeve “Mad Video Music Awards 22” në Athinë është shoqëruar me momente të paprecedenta dhune.

Dy persona janë përleshur me rojet e sigurisë dhe shkaktuan kaos e rrëmujë në arenë, duke bërë që eventi të ndërpritet për rreth 15 minuta.

Konflikti ka nisur nga dy persona që janë shtyrë me njëri-tjetrin dhe më pas sherri ka degjeneruar. Është dashur ndërhyrja e disa personave dhe rojeve të sigurisë për t’i ndarë.

Sipas mediave greke, e gjithë kjo skenë është regjistruar kur në podium ishte Ioanna Paliospyrou duke i dhënë artistes Elena Paparizou çmimin e baladës më të mirë të vitit.

Ndërkohë, është lënduar moderatorja e njohur greke Roula Koromila. Koromila ka publikuar një foto nga shkallët, teksa merr ndihmën mjekësore.

Nga ana tjetër, këngëtarja Elena Paparizou ndodhej afër vendit të ngjarjes dhe është larguar me vrap nga paniku./ B.A. – CNA.al

Lajmet e fundit nga