Pilula për ushtrime?/ Studiuesit identifikojnë molekulën në gjak që prodhohet gjatë stërvitjes

22 Qershor 2022, 22:37, Lifestyle CNA

Pilula për ushtrime?/ Studiuesit identifikojnë molekulën në

Foto ilustruese

Studiuesit në kolegjin e mjekësisë “Baylor”, Stanford, shprehen optimistë për gjetjen e një pilule që mund të ndihmojë shëndetin tuaj edhe nëse e keni të pamundur të kryeni ushtrime fizike.

Ata kanë identifikuar se një pilulë mund të ndihmojë në krijimin e një molekule në gjak që prodhohet gjatë ushtrimeve apo stërvitjes fizike. Prodhimi i kësaj molekule mund të zvogëlojë konsumimin e ushqimit dhe obezitetin te minjtë.

“Ushtrimi i rregullt është vërtetuar se ndihmon në humbjen e peshës. Gjithashtu rregullon oreksin dhe përmirëson profilin metabolik, veçanërisht për njerëzit që janë obezë”, tha autori Yong Xu, profesor i pediatrisë në kolegjin Baylor.

Sipas tij nëse kuptohet mekanizmi me anë të të cilit stërvitja shkakton këto përfitime, atëherë shumë njerëz do të përmirësojnë shëndetin e tyre.

"Ne donim të kuptonim se si funksionon ushtrimi në nivel molekular për të kuptuar disa nga përfitimet e tij", tha autori Jonathan Long, asistent profesor i patologjisë në Stanford Medicine.

“Ne donim të kuptonim se si funksionon ushtrimi në nivel molekular për të qenë në gjendje të kapnim disa nga përfitimet e tij”, shtoi Long.

"Për shembull, njerëzit e moshuar ose të dobët që nuk mund të ushtrohen mjaftueshëm, një ditë mund të përfitojnë nga marrja e një ilaçi që mund të ndihmojë në ngadalësimin e osteoporozës, sëmundjeve të zemrës ose kushteve të tjera", theksoi ai më tej./ Përkthyer dhe përshtatur nga CNA.al