“Përse e ke lëkurën e errët kur je shqiptare”?/ Rita Ora rrëfehet “pa dorashka”

5 Shtator 2022, 11:34, Lifestyle CNA

“Përse e ke lëkurën e errët kur je shqiptare”?/

Këngëtarja shqiptare me famë botërore, Rita Ora, tashmë është në Tiranë. Së fundmi ajo ka vizituar Liceun Artistik “Jordan Misja” së bashku me kryebashkiakun Erion Veliaj.

Rita takoi shumë nxënës, me të cilët ka realizuar shumë foto e video. Një ndër pyetjet kryesore që iu bë ishte se si ka arritur të depërtojë në tregun muzikor ndërkombëtar.

Në rrëfimin e saj Rita ka treguar se si është paragjykuar për ngjyrën e saj të lëkurës. Ajo shprehet se njerëzit i thoshin se lëkura e saj nuk është dhe aq e bardhë (sa për t'u dukur si shqiptare).

“Jam kosovare, vij nga një vend që quhet Shqipëri dhe në fakt është një vend i mbushur me njerëz të mrekullueshëm. Dhe ata ishin si: ‘Po, por lëkura juaj…lëkura juaj është pak më e errët, ti nuk ke lëkurë aq të bardhë’, dhe unë isha: Çfarë? A i keni parë njerëzit që vijnë nga vendi im? Ne jemi kaq ekzotikë, ne dukemi sikur vijmë nga vende të ndryshme, ne jemi të bukur brenda dhe jashtë, jo vetëm fizikisht”, theksoi këngëtarja me famë botërore.

Rita prej vitesh ka jetuar jashtë Shqipërisë dhe karrierën e saj e ka ndërtuar larg, por asnjëherë nuk e ka harruar origjinën e saj dhe gjithmonë është shprehur krenare për vendin nga vjen, e këtë e ka shprehur edhe së fundmi për revistën austriake ku është shprehur se:

“E lindur në një familje të shquar kosovaro-shqiptare në Prishtinë, kryeqyteti i Kosovës tashmë të pavarur, në vitin 1990, Rita Sahatçiu ishte ende foshnjë kur familja – nëna e saj Vera, babai Besniku dhe motra Elena – u larguan nga shtëpia e tyre. Luftërat ballkanike të dekadës po shpërthyen. Ata kërkuan azil politik në Londër, ku Besniku bleu pijetoren ‘The Queens Arms’ në Kilburn, në Londrën Veriore”, tha ajo./CNA.al