web counter
LEXO PA REKLAMA!

SHKARKO APP

App Store
Google Play

E fundit!

x

Tri veprime që nuk duhet t’i bëni kurrë, kur fëmija është në ndenjësen e pasme të makinës

5 Shtator 2022, 11:16, Lifestyle CNA

Tri veprime që nuk duhet t’i bëni kurrë, kur fëmija

Të rrisësh një fëmijë nuk është aq e lehtë sa duket, pasi gjithmonë duhet të jesh i kujdesshëm në çdo lëvizje që ai bën. Por edhe kur bëhet fjala për të dalë më fëmijën tuaj për një shëtitje me makinë, sado që iu duket se e keni aty në sedilien e pasme të makinës, sërish kjo do menaxhim dhe shumë kujdes.

Nëse keni menduar se lidhja me rripin e sigurimit ndonëse duket e mjaftueshme, në fakt nuk është! Para se të nisni një rrugëtim të qetë dhe të sigurtë, gjithmonë duhet të keni parasysh disa rregulla bazë dhe të nevojshme.

1. Mos e mbani fëmijën jashtë ndenjëses së makinës

Pra, asnjëherë nuk duhet ta mbani fëmijën në krah ndërsa jeni në makinë. Ai duhet të qëndrojë gjithmonë i lidhur në mënyrën e duhur në vendin e posaçëm për të.

2. Mos vendosni objekte në pjesën e pasme të makinës

Nuk ka rëndësi nëse janë objekte me peshë të lehtë apo të rëndë. Në një moment ato mund të bien mbi fëmijën me një forcë të caktuar dhe ta lëndojnë atë.

3. Mos e lidhni fëmijën në ndenjëse nëse është i veshur trashë

Xhupi nuk duhet të mbahet asnjëherë veshur ndërsa fëmija është në ndenjëse, kjo pasi në një moment ai apo xhaketa mund të shkaktojnë probleme. Nëse bën shumë ftohtë do t’ju këshillonim të vendosnit një batanije të hollë dhe të vogël sipër fëmijës./CNA.al





Lajmet e fundit nga