E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari shprehu humbjen e ...

Sheshi "Llazar (Zai) Fundo"/ Propozohet ngritja e bustit të intelektualit

3 Nëntor 2024, 12:37, Kulturë CNA

Llazar Zai Fundo

Me datë 31 tetor, në këtë vit, që përkon me 80-vjetorin e ekzekutimit të intelektualit Llazar (Zai) Fundo, u mor vendimi nga Këshilli Bashkiak i Korçës që sheshi para këtij institucioni të merrte emrin e tij, që është një prej figurave dhe kontribuesve më të mëdhenj të themelit të Bashkimit Europian të sotëm.(LEXO KETU)

Kryetari i Këshillit Bashkiak të Qarkut Korçë, Erjon Nexhipi, tha ekskluzivisht për CNA një ditë më parë se do t’i propozonte universitetit dhe institucionit që ai drejton, që vitin e ardhshëm të krijohet një konferencë shkencore që do t’i dedikohet figurës së Llazar Fundos, duke bërë bashkë personalitete të historisë shqiptare dhe europiane me analizat e tyre për të evidentuar më mirë rolin e Fundos në lëvizjen progresiste të shekullit të kaluar.

Jo vetëm shesh me emrin e Zai Fundos/ Propozohet konferencë shkencore, dedikuar figurës poliendrike
2 Nëntor, 14:49

Pas këtyre vlerësimeve, për figurën e Llazar Fundos mësohet që në sheshin e të cilit u vendos emri është propozuar që të vendoset një bust i intelektualit Llazar (Zai) Fundo.

Ky është një propozim nga intelektualë, qytetarë dhe jo vetëm të Korçës, por edhe historianë e figura të rëndësishme të jetës publike në vend, që e shohin vlerësimin e figurës së Zai Fundos një pikë të rëndësishme pasi historia mban të fshehur brenda saj edhe shumë personalitete dhe figura që duhen vendosur në piedestalin e nderit.

Pritet që shumë shpejt propozimi të zyrtarizohet dhe të merret vendimi për vendosjen e bustit të Zai Fundos në sheshin me emrin e intelektualit korçar.

Emërtimi i sheshit afër Bashkisë së Korçës është vetëm fillimi i një vlerësimi të gjerë që pritet t’i bëhet intelektualit korçar, Llazar (Zai) Fundo. Figura e këtij personaliteti me kontributin e madh që ka dhënë në historinë e vendit tonë dhe më gjerë, po promovohet në mënyrë që të njihen vlerat e tij ndër breza./ CNA