LEXO PA REKLAMA!

SHKARKO APP

Ekzekutimi mafioz i Kastriot Reçit/ Përgjigjja e ADN-së shpëton ish-oficerin e RENEA-s që u kap me armë

9 Gusht 2022, 20:42, Kronika CNA
Ekzekutimi mafioz i Kastriot Reçit/ Përgjigjja e ADN-së
Foto ilustruese

Gjurmët biologjike të gjetura në banesën ku u qëllua me snajper Kastriot Reçi nuk përputhen me atë të efektivit të RENEA-s, Remal Rada.

Laboratori i Policisë së Shtetit ka nxjerrë përgjigjën, duke dalë në përfundim se ish-oficeri i policisë së RENEA-s, Remal Rada, nuk ka lidhje me ekzekutimin mafioz të Reçit, ngjarje e ndodhur në janar të vitit 2020.

Radës dhe mikut të tij, Elton Hithi, iu morën kampionët e ADN-së, me kërkesë të Porkurorisë së Lezhës, kërkesë e cila u pranua edhe nga gjykata.

Përgjigjet e laboratorit do administrohen në fashikujt hetimor të vrasjes së bujshme të Kastriot Reçit, i cili u qëllua nga 150 m distancë nga kati i 5-të i një pallati në kohën kur sapo u nda nga një e njohura e tij dhe po shkonte drejt lokalit, që ndodhet në qender të Rrëshenit.

Remal Rada u arrestua nga policia e Tiranës javë më parë si shkak i kontrollit të bërë ndaj makinës së tij ku u gjetën arsenal armësh, mes tyre edhe një snajper./CNA.al

Lajmet e fundit nga