web counter
LEXO PA REKLAMA!

SHKARKO APP

App Store
Google Play

E fundit!

x

Kina mbështet Serbinë: Veprime të njëanshme të Prishtinës

30 Maj 2023, 11:47, Kosova & Bota CNA

Kina mbështet Serbinë: Veprime të njëanshme të

Qeveria e Kinës ka reaguar për tensionet në veri të Kosovës, ku mbështet hapur veprimet e Serbisë.

Zëdhënësja e ministrisë së Jashtme kineze, Mao Ning, është shprehur se kundërshtojnë veprimet e njëanshme të Prishtinës, duke iu referuar zhvillimeve të fundit në veri të Kosovës.

“Kina mbështet përpjekjet e Serbisë për të mbrojtur sovranitetin dhe integritetin e saj territorial dhe kundërshton veprimet e njëanshme të ndërmarra nga institucionet e përkohshme të vetëqeverisjes në Prishtinë, tha zëdhënësja e Ministrisë së Jashtme kineze Mao Ning.

Në konferencën për media, e pyetur për zhvillimet e fundit në veri të Kosovës, ajo ka theksuar se Kina po apelon për zbatimin e obligimit për formimin e Unionit të Komunave Serbe, raporton Radio Ndërkombëtare Kineze.  

Mao Ning shtoi se Kina i kushton vëmendje të madhe situatës në Kosovë.

“Ne këshillojmë NATO-n të respektojë sinqerisht sovranitetin dhe integritetin territorial të vendeve përkatëse dhe të bëjë me të vërtetë gjëra që përfitojnë paqen rajonale”, theksoi Mao Ning.

 

 





Lajmet e fundit nga