LEXO PA REKLAMA!

SHKARKO APP

E fundit!

x

Ish-presidenti i El Salvadorit dënohet me 14 vjet burg

30 Maj 2023, 09:15, Kosova & Bota CNA

Ish-presidenti i El Salvadorit dënohet me 14 vjet burg

Një gjykatë në El Salvador ka dënuar ish-presidentin Mauricio Funes dhe ministrin e tij të Mbrojtjes me më shumë se një dekadë burg për lidhje me grupet kriminale dhe shpërdorim detyre.

Funes u dënua me 14 vjet burg, ndërsa ish-ministri i Mbrojtjes, David Munguya, me 18 vjet, raporton "Reuters". 

“Ne konstatuam se këta dy ish-zyrtarë, të cilët kishin detyrimin për të mbrojtur qytetarët e El Salvadorit, negociuan jetën e tyre në këmbim të favoreve gjatë procesit zgjedhor, duke vepruar sikur të ishin anëtarë të një bande”, tha prokurori i shtetit Rodolfo Delgado.

Munguya u arrestua për herë të parë në vitin 2020 me dyshimin për shoqërim të paligjshëm dhe krime të tjera që lidhen me marrëveshjen e armëpushimit midis bandave.

Ndërsa Funes, i cili sundoi nga viti 2009 deri në 2014, jeton në Nikaragua dhe mori nënshtetësinë e atij vendi.

Kushtetuta e Nikaraguas nuk lejon ekstradimin e qytetarëve të saj.

 

 

Lajmet e fundit nga