web counter
LEXO PA REKLAMA!

SHKARKO APP

App Store
Google Play

E fundit!

x

Dyshime për trukim/ Portieri “lë nam”, shikoni golin në minutën e 105-të që vendosi mbijetesën në Kosovë

28 Maj 2023, 17:57, Sport CNA

Dyshime për trukim/ Portieri “lë nam”, shikoni golin

Ferizaj ka siguruar “play out”-in, pas fitores 2-1 në shtëpi ndaj Dukagjinit në kuadër të javës së 36-të (xhiroja e fundit) në Superligën e Kosovës.

Ferizajasit në epërsi i kalo Bujar Shabani në minutën e 14-të, që ishte edhe goli i vetëm në 45 minutat e parë.

Pjesa e dytë nisi me vonesë, pasi kushtet atmosferike nuk lejuan që të niste në kohë.

Ishte një ndeshje spektakolare, pasi u dhanë 17 minuta lojë shtesë. Dukagjini nuk u dorëzua, duke barazuar shifrat në 1-1 me anë të Oto John në minutën e 82-të, por që pësuan më pas golin e dytë.

Vendasit shënuan golin që i mbajti në Superligë në minutën e 105-të, me anë të Astrit Fazliut, pas një reagimi qesharak të portierit Altik Muhaxhirit, duke ngjallur dyshime të mëdha për trukim.

Ferizaj siguroi kështu “play out”, aty ku i pret Liria që eliminoi Ulpianën, pasi mori 41 pikë, një më shumë se Trepça ’89 që ra në Ligën e Parë, ndërsa Dukagjini është në të katërtin me 50 pikë.





Lajmet e fundit nga