web counter
LEXO PA REKLAMA!

SHKARKO APP

App Store
Google Play

Partnerja e Kluivert dhunohet nga hajdutët dhe përfundon në spital! Grabitësit morën 200 mijë euro në shtëpinë e futbollistit…

28 Maj 2023, 11:58, Sport CNA

SPANJË - Ngjarja ka ndodhur teksa futbollisti ishte i angazhuar me skuadrën, më saktë në transfertën e Valencias në Mallorca, më 24 maj, mbrëmjen e së mërkurës. Hajdutët e kishin shënjestruar vilën, duke menduar se nuk kishte njeri aty.

E dashura e Kluivert po kthehej nga një shëtitje me qenin, kur gjeti në shtëpi një grup grabitësish, të cilët u hodhën menjëherë dhe e sulmuan. E rrahën dhe vazhduan grabitjen.

Sipas mediave spanjolle, alarmi në shtëpi nuk është aktivizuar, për këtë arsye vajza nuk ka mundur të marrë vesh për vjedhjen. Supozohet se tre hajdutët kanë hyrë në shtëpi nga kopshti.

E dashura e Kluivert dha një deklaratë në polici, duke thënë se grabitësit ishin të veshur me kapuç dhe se njëri prej tyre fliste me një theks të rëndë anglisht. Sipas njoftimit të policisë, nga shtëpia e Kluivert janë marrë ora, bizhuteri dhe veshje me vlerë. Sipas vlerësimit të parë, grabitja kap vlerën e 200 mijë eurove.

E dashura e Justin Kluivert u dërgua në spital për ekzaminim, ajo u shtrua atje dhe u diagnostikua me lëndime të lehta. Policia është në kërkim të grabitësve.

Justin Dean Kluivert (24) është një futbollist holandez dhe djali i të famshmit Patrick Kluivert. Ai e filloi karrierën e tij te Ajax dhe është nën kontratë me Romën, nga ku erdhi si huazim te Valencia sezonin e kaluar.

Grabitjet e shtëpive të futbollistëve të famshëm janë kthyer në një trend shqetësues në Evropë.





Lajmet e fundit nga