LEXO PA REKLAMA!

SHKARKO APP

Goditet klani i drogës në Itali/ Arrestohen 15 persona, mes tyre edhe shqiptarë

30 Maj 2023, 11:40, Kosova & Bota CNA
Goditet klani i drogës në Itali/ Arrestohen 15 persona, mes tyre edhe
Foto ilustruese

Pesëmbëdhjetë persona u arrestuan sot nga Guardia di Finanza, në Basilicata, Liguria dhe Pulia, si pjesë e një operacioni antidrogë nga prokurori i rrethit antimafia të Potenzës, i cili futi në rrjetë klanin e përbërë nga italianë dhe shqiptarë të akuzuar për trafik ndërkombëtar droge (heroinë, kokainë, hashash dhe marihuanë) nga Shqipëria, ku investoheshin të ardhurat e paligjshme.

Baza e organizatës ishte në Scanzano Jonico (Matera), në një fermë që shërbente për trafikun e drogës.

Lidhja me Shqipërinë u bë përmes “një sistemi kompleks bisedash të koduara”.

Filialet përdorën një platformë mesazhesh të konsideruar "të sigurt dhe të blinduar”. Gjatë hetimit në kuadër të një hetimi të koordinuar nga Drejtoria Anti-Mafia e Qarkut Trento u sekuestruan mbi 20 kilogramë heroinë, 5.7 kilogramë marihuanë dhe 105 gram kokainë.

Krahas arrestimit të 15 të dyshuarve, kryesisht shqiptarë, mes të cilëve edhe “kreu” i organizatës dhe bashkëpunëtori i tij më i afërt, pronar i fermës, u kryen sekuestrime parandaluese të aseteve, të drejtpërdrejta dhe të barasvlershme me një vlerë prej 4.2 milionë eurosh, “që korrespondon me fitimin e vlerësuar që rrjedh nga trafiku i drogës.

Këto para investoheshin në Shqipëri “për blerjen e pasurive të paluajtshme dhe aktivitetet tregtare”./ CNA.al

Lajmet e fundit nga