web counter
LEXO PA REKLAMA!

SHKARKO APP

App Store
Google Play

Haradinaj, pas takimit me Osmanin: Rreziku në veri vazhdon

27 Shtator 2023, 14:00, Kosova & Bota CNA

Haradinaj, pas takimit me Osmanin: Rreziku në veri vazhdon

Kreu i AAK-së, Ramush Haradinaj, ka deklaruar se ekziston rreziku për eskalim të situatës sërish në veri të Kosovës.

Për ngjarjen e fundit ai bëri përgjegjëse Serbinë dhe theksoi se duhet një hetim ndërkombëtar.

Pas takimit me presidenten Vjosa Osmani, ai shtoi se koordinimi me aleatët është i domosdoshëm në këtë fazë.

“Biseda ishte kryesisht lidhur me situatën e sigurisë në vend gjatë ditëve të fundit të ndërlidhura me sulmin terrorist që ndodhi në veri ku humbi jetën një epror i Policisë së Kosovës. Kosova edhe në të kaluarën është përballur me situata të sigurisë. Kjo që ndodhi tani është e pastër terrorizëm. Është e logjikshme që të bashkëbisedohet në situata të tilla. Për shkak se rreziku vazhdon edhe më tutje, është prezent. Duhet që të bëjmë kujdes që edhe vendimmarrësit politikë ta kryejnë me sukses punën e vet. Përballja me rreziqet e sigurisë nuk bëhet duke e bartur përgjegjësinë vetëm te profesionistët, dihet ndihmesa politike edhe dihet një kurs politik i besueshëm me aleatët. Serbia nuk e fsheh faktin se është sponsorizuese, i ka stërvitur dhe i ka dhënë udhëzim këtij grupi terrorist. Është mirë që të zhvillohet një hetim që Serbia është faktor, kjo dihet, por të vërtetohet edhe nga hetuesit ndërkombëtarë me mundësi të një gjykate”, u shpreh Haradinaj. 

 

 





Lajmet e fundit nga