LEXO PA REKLAMA!

SHKARKO APP

E fundit!

x

Vendi më i shtrenjtë në Evropën Veriore për të fluturuar

27 Shtator 2023, 13:08, Kosova & Bota CNA

Vendi më i shtrenjtë në Evropën Veriore për të

Të dhënat e fundit nga Mabrian kanë treguar se vendi më i shtrenjtë në Evropën veriore për të fluturuar tani është Holanda, raporton "Shengen news.info". 

Sipas Mabrian, një përfundim i tillë është arritur pas analizimit të çmimeve mesatare të fluturimeve në dy vitet e fundit dhe rezultatet tregojnë se për rajonin e Evropës veriore, më shtrenjtë është të fluturosh për në Holandë.

Për shkak të kërkesës së lartë dhe me një norme rezervimi rekord këtë vit, çmimet e fluturimeve për në Holandë filluan të rriten që në pranverë, duke arritur kulmin gjatë muajve të verës kur më shumë njerëz vendosën të vizitojnë vendin.

Përveç Holandës, rritje të çmimeve të fluturimeve panë edhe vendet e tjera të Evropës Veriore, ndërsa disa të tjera kanë mbetur më të qëndrueshme.

Siç tregojnë të dhënat e Mabrian, Holanda pasohet nga Mbretëria e Bashkuar, e cila regjistroi rritjen më të ndjeshme të çmimit të fluturimeve në vitin 2023 krahasuar me vitin 2021.

Nga ana tjetër, Franca dhe Gjermania kanë pasur kulme të larta të çmimeve gjatë vitit 2022, ndërsa Norvegjia ka mbetur vendi më i qëndrueshëm për sa u përket çmimeve të fluturimeve gjatë dy viteve të fundit.

Pavarësisht rritjes së çmimeve të fluturimeve, Holanda vazhdon të mbetet një nga destinacionet më të njohura në Evropë edhe këtë vit.

 

Lajmet e fundit nga