LEXO PA REKLAMA!

SHKARKO APP

Fatmir Limaj zbulon prapaskenat/ Rreth 200 serbë të stërvitur, gati të hapnin luftë në Kosovë

26 Shtator 2023, 23:00, Kosova & Bota CNA
Fatmir Limaj zbulon prapaskenat/ Rreth 200 serbë të stërvitur,
Politikani Fatmir Limaj

Politikani Fatmir Limaj ka zbuluar “prapaskenat” e situatës në veri të Kosovës, ku janë gjetur armatime të përgatitura nga grupi i serbëve që ngalli tensione.

Limaj tha në emisionin e Blendi Fevziut se prej disa muajsh është zbuluar se në Kosovë po stërviten me kampe disa grupe të ndryshme serbe.

Ai tha se rreth 200 persona të stërvitur kishin si qëllim të merrnin drejtimin e njësive, që më pas të hapin luftë në Kosovë.

“Ajo që kemi parë të dielën dhe pastaj dhe armatimin e tyre, kjo shihet se është një njësi e përgatitur ushtarake, e stërvitur, paramilitare. Ky armatim quhet këmbësori e rëndë sepse ka murtaja, ka kalibra të lartë. Është një këmbësori për të cilën duhen muaj e vite për trajnim në taktikë profesional. Quhet paramilitare e përgatitur me kohë në Beograd me objektiva të qarta, taktike dhe politike dhe me plan operativ të saktë se çfarë kanë për të bërë.

Ajo që ka ndodhur me patrullën e policisë është gjëja më e paktë që ato kanë dashur. Lufta para se të vinin aty, ka qenë lufta mes shërbimeve.

Kosova ka pasur informacion prej disa mujash për stërvitje të këtyre llojeve në kampe të ndryshme rreth Kosovës, në Rashë, në Nishë e në vende të tjera. Janë mbi 200 njerëz profesionalë që kanë qenë të përgatitur për të marrë drejtimin e njësive siç ata e kanë planifikuar”, theksoi Limaj./ CNA

Lajmet e fundit nga