LEXO PA REKLAMA!

SHKARKO APP

Ambasadori amerikan në Kosovë: Grupi i armatosur që sulmoi policinë ishte i trajnuar dhe i organizuar

26 Shtator 2023, 17:46, Kosova & Bota CNA
Ambasadori amerikan në Kosovë: Grupi i armatosur që sulmoi
Ambasadori amerikan në Prishtinë, Jeff Hovenier

Ambasadori amerikan në Prishtinë Jeff Hovenier, tha të martën se grupi i armatosur që sulmoi të dielën policinë e Kosovës ishte i trajnuar dhe i organizuar.

Ai i bëri komentet pas një takimi me presidenten e Kosovës Vjosa Osmani.

Sipas Hovenier ngjarja duhet të zbardhet dhe personat përgjegjës të vihen para drejtësisë.

“Ne ende po punojmë për të kuptuar se si dhe kush është përgjegjës dhe pse. Por dua të them, ju i keni parë pamjet e pajisjeve ushtarake dhe planet që ishin zhvilluar. Ky nuk ishte një grup i qytetarëve që spontanisht u bënë së bashku për të shprehur shqetësimet e tyre. Ky ishte një grup i trajnuar dhe i organizuar. Kjo nënkupton se pas tyre ka një lloj strukture, duke pasur parasysh trajnimin dhe pajisjet. Ne duam që kjo ngjarje të ndriçohet dhe ata të mbahen përgjegjës”, tha Hovenier./ CNA

Lajmet e fundit nga