Një person është vrarë mbrëmjen e djeshme nga vëllai i tij...
50 mijë euro për familjen e Afrim Bunjakut/ Qeveria e Kosovës merr vendimin
27 Shtator 2023, 10:36, Kosova & BotaCNA
Albin Kurti
Qeveria e Kosovës ka miratuar sot vendimin për dhënien e shumës prej 50 mijë eurosh për familjen e heroit, Afrim Bunjaku.
"50 mijë euro për familjen e Afrim Bunjakut. Këto do të jepen nga shpenzimet e paparashikuara. Jemi në mbështetje të familjes Bunjaku, na dha një dëshmor", u shpreh kryeministri Albin Kurti.
Kurti nënvizoi gjatë fjalës së tij se me sulmin që zhvilloi grupi i armatosur serb u cenua siguria kombëtare.
“Serbët e Kosovës duhet të çlirohen nga tutela e Serbisë. Sulmi i së dielës ishte djallëzor. Të dielën u cenua sovraniteti shtetëror, integriteti territorial dhe siguria kombëtare. U dëshmua rreziku i grupeve kriminale dhe terroriste. Ka nisur me një minutë heshtje mbledhja e kësaj të mërkure e Qeverisë së Republikës së Kosovës, në nder të policit të rënë në krye të detyrës", u shpreh më tej kreu i qeverisë së Kosovës.
Kryeministri i Kosovës tha se mbi 5 milionë euro është vlera e armatimit ushtarak të konfiskuar dhe sasi e mjaftueshme për një grup prej qindra luftëtarësh.
"Skenar për gjakderdhje në Kosovë, të përfshirë individë të sanksionuar nga SHBA dhe nga Britania e Madhe. Individët që sulmuan shfaqen në krah dhe përkrah, në Beograd, në krah të presidentit të serbisë, Aleksandër Vuçiç. U dëshmua kapaciteti i plotë i Policisë për të mbrojtur Republikën, ky është suksesi më i madh i tyre që prej shpalljes së pavarësisë", tha Kurti.
