LEXO PA REKLAMA!

SHKARKO APP

Publikohet fotoja e njërit prej agresorëve të vrarë serb/ Truproja i shefit të Inteligjencës dhe Sigurisë në Serbi

27 Shtator 2023, 13:26, Kosova & Bota CNA
Publikohet fotoja e njërit prej agresorëve të vrarë serb/
Foto ilustruese

Ministri i Brendshëm i Kosovës, Xhelal Sveçla, ka zbardhur identitetin e njërit prej agresorëve serbë të vrarë që sulmuan Policinë e Kosovës.

Sveçla ka publikuar fotografinë e Bojan Mijailoviq, i cili është konfirmuar si një nga të vrarët gjatë aksionit të 24 shtatorit.

Ministri bën me dije se pas videos ku tregohej qartë se në grup bënte pjesë dhe Milan Radojiçiq, sot është vërtetuar se Bojan Mijailoviq, i cili ishte pjesë e grupit terrorist ka qenë truproja i shefit të Inteligjencës së Sigurisë serbe, Aleksandër Vulin, gjatë vizitës së tij në Kosovë në vitin 2013.

Pas publikimit të kësaj fotoje, Sveçla bën me dije se tashmë është shumë e qartë përfshirja e shtetit të Serbisë dhe Aleksandër Vuçiçit në sulmin ndaj policisë së Kosovës në 24 shtator.

Këto fakte janë dëshmi tjetër se synimet e Serbisë ndaj Republikës së Kosovës nuk kanë ndryshuar aspak nga koha e regjimit të Millosheviqit, ish-ministrit të Propagandës së atij regjimi, tashmë president i regjimit aktual në Serbi.

Dje përmes video-pamjeve dëshmuam prezencën e kryekriminelit dhe udhëheqësin e aksionit terrorist Milan Radojiçiq. Ndërkaq, sot është konfirmuar që njëri nga të vrarët që ishte po ashtu pjesëmarrës i atij akti është edhe Bojan Mijailoviq, truproja i shefit të BIA-s serbe, Aleksandar Vulin, në vizitën e tij në Republikën e Kosovës në vitin 2013.

Shteti i Serbisë është këmbë e krye i përfshirë në këtë sulm terrorist me qëllim destablizimin e Republikës së Kosovës. Për këtë gjë tashmë ekziston edhe lidhja formale e strukturore e përfshirjes së Aleksandar Vuçiçit në sulmin e 24 shtatorit në Banjskë të Zveçanit: Milan Radojçiq, si nënkryetar i Listës serbe dhe truproja i Aleksandër Vulinit, shef i BIA-s. Të dy këta po ashtu të sanksionuar në listën e zezë të SHBA-së. Të dy këta nga njerëzit më të afërt të presidentit të Serbisë.

Këto fakte janë dëshmi tjetër se synimet e Serbisë ndaj Republikës së Kosovës nuk kanë ndryshuar aspak nga koha e regjimit të Millosheviqit, ish-ministri i Propagandës së atij regjimi, tash president i regjimit aktual në Serbi. Edhe optimistët më të mëdhenj që deri tash e kanë gënjyer veten për ndryshimet në këtë shtet besoj janë bindur për të kundërtën këto ditë.

Dua të shpreh edhe njëherë mirënjohje për qendresën e Policisë së Kosovës atë ditë  dhe për profesionalizmin e pashoq, aksion në të cilin nuk është lënduar lënduar asnjë civil”, ka thënë Sveçla./ CNA

Lajmet e fundit nga