web counter
LEXO PA REKLAMA!

SHKARKO APP

App Store
Google Play

Aksion antidrogë në Spanjë/ Sekuestrohen 20 kg drogë, në pranga 3 persona

27 Shtator 2023, 13:14, Kosova & Bota CNA

Aksion antidrogë në Spanjë/ Sekuestrohen 20 kg drogë,

Autoritetet spanjolle kanë bërë me dije se kanë arrestuar dhe 3 persona që janë kapur me drogë dhe nën hetim është vënë një tjetër person.

Sipas Gardës Civile, një ditë më parë, gjatë aksionit, u arrestuan dy persona me kombësi lituaneze dhe një polak si autorë të dyshuar të një krimi trafikimi të lëndëve narkotike, anëtarësimi në organizatë kriminale, armëmbajtje pa leje, mashtrimi me energjinë elektrike dhe falsifikimi i dokumenteve.

Është hetuar edhe një shtetas me kombësi spanjolle, për të cilin hetuesit dyshojnë se është drejtuesi i organizatës.

Në këtë operacion, Garda Civile ka sekuestruar 20 kilogramë marijuanë gati për shitje dhe një revole të markës ALFA, model 640, kalibër 6mm, me municion dhe njëzet gëzhoja të të njëjtit kalibër që të arrestuarit i fshehën në fund të një dollapi.

Autoritete kishin instaluar pajisje rreth shtëpisë që të mbikëqyrnin dhe të identifikonin të gjithë njerëzit e lidhur me këtë bandë të trafikut të drogës. Kur mbaroi faza e hetimit, Garda Civile kërkoi autorizimin nga gjykata e Granadës për të kryer një kontroll në shtëpinë e dyshimtë në të cilën hetuesit zbuluan si drogën, ashtu edhe armët dhe municionin e sekuestruar.

Ashtu siç u raportua nga burimet të premten e kaluar, një grup agjentësh të Institutit të Armatosur kanë vepruar në rrugën Manuel Losada, e vendosur në një zonë të qetë banimi, për të arrestuar anëtarët e këtij grupi kriminal./ CNA





Lajmet e fundit nga