E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Kalendar historik/ Çfarë ka ndodhur më 26 shtator?

26 Shtator 2023, 08:44, Blog CNA

Kalendar historik/ Çfarë ka ndodhur më 26 shtator?

Debati televiziv

1960 - Xhon Kenedi dhe Riçard Nikson përballen në debatin e parë televiziv presidencial në SHBA

Për herë të parë në historinë e SHBA-së, një debat midis kandidatëve presidencialë të 2 partive kryesore transmetohet drejtpërdrejt në televizion.

Kandidati demokrat, Xhon F.Kenedi, senator i Masaçusets, dhe ai republikan Riçard Nikson, zv/president i Shteteve të Bashkuara, u takuan në një studio televizive në Çikago për të diskutuar mbi çështjet e brendshme të SHBA-së.

Kenedi doli fituesi i dukshëm në të parin nga 4 debatet televizive, pjesërisht për shkak të sjelljes së tij më të lirshme para kamerave sesa Nikson. Në dallim nga Kenedi, ky i fundit u pa më nervoz dhe nuk pranoi të grimohej. Ndërkohë Nikson doli më mirë në debatin e dytë dhe të tretë.

Më 21 tetor kandidatët u takuan për të diskutuar mbi politikën e jashtme në debatin e tyre të katërt dhe të fundit.

Më pak se 3 javë më vonë, më 8 nëntor, Kenedi fitoi 49.7 për qind të votave popullore, në një nga zgjedhjet me rezultatin më të ngushtë në historinë e SHBA-së, teksa rivali republikan mori 49.6 për qind të votave.

Kalendar historik/ Çfarë ka ndodhur më 26 shtator?

Me debatin e parë Kenedi-Nikson, politika presidenciale hyri në një epokë të re. Befas imazhi nisi të kishte rëndësi më shumë se kurrë më parë.

Një vit pasi u largua nga posti i zëvendëspresidentit, Nikson u rikthye në politikë, duke fituar nominimin në garën për guvernator të Kalifornisë.

Ndonëse humbi edhe në ato zgjedhje, Nikson u rikthye në skenën kombëtare në vitin 1968 dhe u zgjodh president.

Kalendar historik/ Çfarë ka ndodhur më 26 shtator?

Ashtu si Lindon Xhonson në vitin 1964, Nikson refuzoi të debatonte me kundërshtarin e tij në fushatën presidenciale të atij viti.

Debatet presidenciale televizive u rikthyen vetëm në vitin 1976, dhe që atëherë janë mbajtur në çdo fushatë presidenciale.

Ngjarje të tjera të rëndësishme:

1829 - Themelohet Scotland Yard, organi zyrtar që do të merrej me hetimet penale në Britaninë e Madhe.

1905 - Albert Ajnshtajn boton të tretin nga punimet e tij, Annus Mirabilis , duke prezantuar Teorinë Speciale të Relativitetit.

1918 - Nis Ofensiva Myze-Argon gjatë Lufta e Parë Botërore. Ajo do të zgjaste deri në dorëzimin total të forcave gjermane.

1944 - Forcat aleate, pësojnë humbje të rënda përballë ushtrisë gjermane në Arhem të Holandës.

1950 - Trupat e Kombeve të Bashkuara arrijnë të dëbojnë forcat e Koresë së Veriut dhe të rimarrin Seulin, kryeqendrën e Koresë së Jugut.

1973 - Avioni supersonik francez, Konkord, kryen udhëtimin e parë me pasagjerë nga Parisi në Nju Jork, në vetëm 3 orë e 32 minuta. Shpejtësia mesatare e udhëtimit ishte 1.535 km/h.

1984 - Britania e Madhe bie dakord që t’ia transferojë sovranitetin e Hong Kongut Republikës Popullore të Kinës./ Përshtatur nga CNA