E fundit!

17:41 Kosova & Bota

Trump tërhiqet nga tarifa prej 20% në Ngushticën e Hormuzit/ Ja me çfarë do ta zëvendësojë masën

Presidenti amerikan Donald Trump është tërhequr nga vendos...

Dhjetë mitet e rreme me të cilat Rusia gënjen botën

24 Shtator 2023, 15:22, Blog CNA

Ashtu si shtetet e tjera mafioze, Rusia e sotme mbështetet tek një ideologji jo-koherente. Ajo ka ndërtuar një imazh të vetvetes rreth një miti bazë të dyshimtë. Një imazh, të cilin e shfrytëzon me cinizëm dhe e shenjtëron fjalën “fitore”, për të cilën ka krijuar një mori ritualesh.

Rusia përdor një varg argumentesh, që e përshkruajnë atë si një shoqëri që ka të drejtë të ketë një rol të caktuar në histori si një çështje “drejtësie”. Shumica e këtyre falsifikimeve dhe gjysmë të vërtetave shpërndahen prej saj në të gjithë Perëndimin: Rusia e mposhti e vetme nazizmin; ajo u mashtrua nga të dyja anët; Rusia është një vend “i madh”, prandaj mund të bëjë “çdo gjë”. Cilido në Rusi që i refuzon këto përralla, apo i quan ato siç janë ato vërtet, gënjeshtra, përballet menjëherë me britmat “Gjyshërit tanë e shpëtuan botën!”.

Miti i Luftës së Dytë

Botërore u mboll nga Stalini, u ushqye nga Brezhnjevi, dhe tani po lulëzon nën sundimin e Vladimir Putinit. Presidenti aktual rus ka ndjekur me përpikëri shembujt e paraardhësve të tij për përdorimin e këtyre gënjeshtrave për të çuar përpara autokracinë, shtypjen e brendshme dhe agresionin ndërkombëtar. Ja cilat janë 10 gënjeshtrat e tyre kryesore:

1. “Lufta e Madhe Patriotike” filloi më 22 qershor 1941

Moska pretendon se Lufta e Dytë Botërore filloi kur Gjermania naziste pushtoi Bashkimin Sovjetik. Rusët harrojnë se ajo nisi në fakt 2 dy vjet më parë, më 1 shtator 1939, kur Gjermania pushtoi Poloninë, dhe kur Bashkimi Sovjetik ishte aleat me Gjermaninë, duke nënshtruar një pakt të fshehtë për ta ndarë Poloninë mes tyre, falë të cilit Moska gllabëroi edhe 3 shtetet e pavarura baltike.
2. BRSS e urrente nazizmin.

Në fakt propaganda anti-naziste dhe antifashiste e paraluftës pushoi në vitin 1939, pas nënshkrimit të Paktit Molotov-Ribbentrop të përmendur më lart, ku Moska dhe Berlini do të ndanin Evropën Lindore. Pas këtij akti makineria e propagandës sovjetike nisi të sulmojë britanikët pse kishin “nisur luftën kundër Gjermanisë”. Vetëm pasi nazistët pushtuan BRSS, në qershor 1941, u kthyen sloganet anti-naziste në shoqërinë sovjetike.

3. Me Paktin Molotov-Ribentrop, Bashkimi Sovjetik vetëm sa “bleu kohë”
Në fakt Stalini e përdori paktin për të sulmuar Poloninë, Finlandën, Rumaninë dhe shtetet baltike. BRSS ishte e papërgatitur në vitin 1941, pikërisht sepse Stalini nuk besonte se Gjermania do ta tradhtonte dhe do ta pushtonte një ditë.

4. BRSS qëndroi duarkryq para pushtimit gjerman

Jo. Edhe para pushtimit të 1941-shit, Stalini kishte hyrë tashmë në Poloni dhe Finlandë.

5. BRSS ishte vetëmohuese në sakrificën e saj gjatë luftës

Në realitet, BRSS ishte egoiste. Stalini ishte i prirur të pushtonte territore që dikur i përkisnin Perandorisë Ruse, si në vitet 1939-1940, ashtu edhe në periudhën 1945-1946.

6. Sovjetikët e mposhtën të vetëm Hitlerin

As vetë Stalini nuk e besoi këtë gënjeshtër, pasi duhej ta pranonte se pa tanket, avionët, kamionët, lokomotivat, barutin, eksplozivët, çelikun, aluminin, karburantin, rrobat etj, të marra falë kredisë së SHBA-së, çdo fitore do të kishte qenë e pamundur. Për të mos përmendur rolin kyç aleatëve në hapjen e një fronti të ri në Perëndim.

7. Aleatët nuk donin një front të dytë në Francë

Përkundrazi, Çërçilil dhe Ruzvelti e kuptuan se kush ishte Stalini, dhe çfarë mund të bënte në Evropë, të cilën ai po e pushtonte. Ndaj ata u përpoqën të hynin të parët në Berlin.

8. Ushtarët sovjetikë ishin të gjithë heronj

Në realitet, sovjetikët kishin një “kompani ndëshkimore” që synonte të pengonte tërheqjen e ushtarëve. “Asnjë hap prapa!” Ishte urdhri i ditës, dhe nëse ushtarët nuk bindeshin, atëherë pasoja do të ishte ekzekutimi me vdekje. Pastaj ishin rusët e ushtrisë së gjeneralit Andrej Vllasov, të cilët bashkëpunuan me gjermanët. Ata nuk do të kishin ekzistuar, nëse gjithçka do të ishte aq rozë sa pretendon miti që përhap Kremlini.

9. BRSS respektoi me korrektesë të gjitha traktatet
Në fakt Bashkimi Sovjetik veproi sipas qejfit. Në vitin 1944, ai nisi një luftë me Bullgarinë edhe pse nuk kishte konflikt me të. Ndërkohë edhe në vitin 1945, shkeli traktatin e mos- sulmimit me Japoninë.

10. Evropa u çlirua nga Ushtria e Kuqe

Evropa Lindore ishte kryesisht e pushtuar dhe e grabitur, dhe popujt e saj u skllavëruan nga Moska për 45 vjet, shpeshherë me metoda po aq brutale sa nazistët.

Shënim:Leonid Nevzlin, është një filantrop dhe botues izraelit me origjinë ruse./ Përshtatur në shqip nga CNA