LEXO PA REKLAMA!

SHKARKO APP

Manja thirrje SPAK: Fokusohuni tek krimi i organizuar, ka rritje të çështjeve

2 Qershor 2023, 16:36, Aktualitet CNA

Manja thirrje SPAK: Fokusohuni tek krimi i organizuar, ka rritje të

Ministri i Drejtësisë, Ulsi Manja i ka bërë thirrje SPAK që të ketë në fokus luftën kundër krimit të organizuar pasi sipas tij ka një rritje të numrit të çështjeve.

Manja gjatë raportimit të rekomandimeve të Këshillit të Ministrave në Komisionin e Ligjeve u shpreh se lufta kundër krimit të organizuar duhet të jetë në fokusin e SPAK. Po ashtu vuri në pah rritjen e çështjeve që lidhen me krimin e organizuar.

“Vihet re një rritje e numrit të çështjeve sa i përket krimit të organizuar, ne inkurajojmë prokurorinë e posaçme që fokusi duhet të drejtohet tek krimi organizuar dhe asetet që ka krimi organizuar. Sepse lufta kundër krimit të organizuar ka një impakt të jashtëzakonshëm tek opinioni publik dhe tek rritja e besimit të opinionit publik tek struktura e posaçme anti korrupsion", tha Manja.

Në dallim nga krimi i organizuar, Manja vlerësoi punën për luftën kundër korrupsionit.

“Në luftën kundër korrupsionit prokuroria e përgjithshme dhe SPAK kanë rritur rolin aktiv në hetimet paraprake, si nëpërmjet hetimeve të filluara kryesisht ashtu edhe në kryerjen e hetimeve proaktive dhe me përdorim të mjeteve të posaçme të hetimit kryesisht për veprat penale në fushën e korrupsionit”- shtoi ai.



Lajmet e fundit nga