web counter
LEXO PA REKLAMA!

SHKARKO APP

App Store
Google Play

E fundit!

x

Situata në veri të Kosovës/ Begaj-homologes hungareze: I keqardhur për ushtarët e lënduar

1 Qershor 2023, 11:43, Aktualitet CNA

Situata në veri të Kosovës/ Begaj-homologes hungareze: I

Presidenti Barjam Begaj ka pritur në Presidencë, homologen e Hungarisë, Katalin Novak.

Begaj ka shprehur keqardhjen për ushtarët e lënduar në veri të Kosovës. Gjithashtu Begaj është shprehur se mes dy vendeve ka marrëdhënie të mira dhe ka vlerësuar mbështetjen e Hungarisë në procesin për integrimin e Shqipërisë në BE.

Vëmendje i është kushtuar dhe bashkëpunimit ekonomik dhe tregtar.

“I shpreha keqardhjen Presidentes Novak, për ushtarët hungarezë të lënduar në Veri të Kosovës.

Vlerësova marrëdhëniet shumë të mira, historike e tradicionalisht miqësore midis dy vendeve.

Heronjtë kombëtarë të dy vendeve tona, Skënderbeu dhe Huniadi, hodhën bazat e një partneriteti strategjik.

Faleminderit Hungarisë që inicioi shpalljen nga OKB-ja të 5 shtatorit si Ditën Ndërkombëtare të Bamirësisë në nderim të shenjtores shqiptare, Nënë Tereza.

Falë vizionit të përbashkët euroatlantik, marrëdhëniet politike dypalëshe janë forcuar edhe më shumë.

Dy vendet tona janë aleate në NATO dhe bashkëpunojnë ngushtë në kuadër të procesit të integrimit në BE të Shqipërisë.

Vëmendje shumë të veçantë ia kushtuam bashkëpunimit ekonomik e tregtar.

Vlerësova interesin në rritje të bizneseve hungareze për të investuar në Shqipëri. 

Kërkova ndihmën e Presidentes Novak, për ta inkurajuar më shumë biznesin hungarez të orientohet drejt tregut shqiptar. Mundësitë janë shumë të mëdha.

Mirënjohje për mbështetjen që Hungaria i ka dhënë Shqipërisë në procesin e integrimit evropian.

Vlerësova angazhimin e madh të Hungarisë për stabilitetin e Ballkanit Perëndimor.

Vlerësova kontributin e gjatë me trupa ushtarake në Kosovë, në kuadër të KFOR-it.

Për ne ka rëndësi shumë të madhe mbështetja e dialogut, si dhe mbështetja e Kosovës për t’u anëtarësuar në organizatat ndërkombëtare, përfshirë edhe në KiE-në.

Vlerësuam edhe bashkëpunimin shumë të mirë në kuadër të organizatave ndërkombëtare. 

Hungaria mbështeti kandidaturën e Shqipërisë për të qenë anëtare jo e përhershme në Këshillin e Sigurimit të Kombeve të Bashkuara”, është shprehur Begaj./ CNA.al





Lajmet e fundit nga